OpenAI соопшти дека наскоро ќе почне да прикажува реклами на корисниците на ChatGPT кои не ја плаќаат премиум верзијата на овој четбот.
Компанијата специјализирана за вештачка интелигенција во петокот објави дека сè уште не ги има пуштено огласите, но дека ќе почне да ги тестира во наредните недели.
Ова е најновиот обид на компанијата со седиште во Сан Франциско да заработи од повеќе од 800 милиони корисници на ChatGPT, од кои поголемиот дел ја користат услугата бесплатно.
Иако е проценета на 500 милијарди долари, оваа стартап компанија губи повеќе пари отколку што заработува и веќе подолго време бара начин да стане профитабилна.
OpenAI наведе дека дигиталните реклами ќе се појавуваат на дното од одговорите на ChatGPT „кога постои релевантен спонзориран производ или услуга врз основа на вашата тековна конверзација“.
Огласите „ќе бидат јасно означени и одвоени од органскиот одговор“, порачаа од компанијата.
