Оваа неодамна потврдена аквизиција ги обединува ракетите, Starlink сателитите, платформата X и AI-чатботот Grok под еден покрив и со заедничка цел.
SpaceX ја аквизираше xAI со цел да го формира најамбициозниот, вертикално интегриран иновациски мотор на Земјата и надвор од неа. Новиот ентитет обединува вештачка интелигенција, ракети, вселенски интернет, директна комуникација со мобилни уреди, како и водечката светска платформа за информации во реално време и слобода на говор. Овој потег не означува само ново поглавје, туку целосно нова книга во мисијата на компаниите SpaceX и xAI: скалирање со цел создавање на „осетилно сонце“ за подобро да го разбереме Универзумот и да ја прошириме светлината на свеста кон ѕвездите.
Зошто вештачката интелигенција во вселената е иднината?
Тековниот напредок во областа на вештачката интелигенција се потпира на огромни дата-центри на Земјата, кои бараат енормни количини на енергија и ладење. Глобалната побарувачка за електрична енергија поттикната од AI едноставно не може да се задоволи со копнени решенија, дури ни на краток рок, без наметнување сериозни оптоварувања врз заедниците и животната средина. На долг рок, вештачката интелигенција сместена во вселената очигледно е единствениот начин за понатамошно скалирање. На пример, за искористување на само еден милионити дел од енергијата на нашето Сонце би била потребна повеќе од милион пати поголема енергија од онаа што нашата цивилизација моментно ја користи.
Затоа, единственото логично решение е овие енергетски и ресурсно интензивни операции да се преселат на локација со неограничена енергија и простор. Впрочем, вселената со причина се нарекува „простор“ (анг. space). Се проценува дека во рок од две до три години најевтиниот начин за генерирање компјутерска моќ за AI ќе биде токму во вселената. Како што пренесува The Verge, токму таа трошочна ефикасност ќе им овозможи на иновативните компании да напредуваат во тренирањето на своите AI модели и обработката на податоци со невидени брзини и размери, забрзувајќи ги пробивите во нашето разбирање на физиката и развојот на технологии кои ќе му користат на човештвото.
Оваа нова констелација на сателити ќе се гради врз веќе добро воспоставените стратегии за одржливост во вселената, вклучувајќи и управување со сателитите на крајот од нивниот животен век, кои се покажаа успешни кај постојните широкопојасни сателитски системи на SpaceX. Со тоа се обезбедува оваа амбициозна визија да не оди на штета на долгорочната безбедност и чистотата на Земјината орбита.
