KALLIQ претставува SaaS решение за outbound продажба кое таргетира 30–50 илјади SMB тимови и цели кон американскиот и европскиот пазар
Zephyr Angels, македонската и регионална ангел-инвестициска мрежа фокусирана на поддршка на стартапите од рана фаза со глобален потенцијал, официјално инвестираше во KALLIQ – иновативна SaaS платформа за outbound продажба, наменета за мали и средни продажни тимови. Инвестицијата претставува стратешка поддршка за понатамошен развој на продуктот, зајакнување на ‘go-to-market’ стратегијата и забрзување на првичната комерцијализација.
KALLIQ е настанат како директен одговор на реален проблем на пазарот. Иако ‘cold calling’’-от повторно добива значење како продажен канал, повеќето постоечки алатки се или прескапи и премногу комплексни за мали тимови, или технички застарени и неефикасни во новите услови на строги spam регулативи од страна на телекомуникациските оператори. Резултатот е ниска стапка на поврзување, загубено време и фрустрација кај продажните тимови.
Тимот зад KALLIQ koj e составен од искусни ‘go-to-market’ специјалисти го има живеано овој проблем од прва рака. Наместо да се прилагодуваат на алатки изградени за големите ‘enterprise’ клиенти, тие одлучуваат да изградат сопствено решение: брз, стабилен и едноставен ‘dialer’ кој реално функционира за SMB сегментот. KALLIQ комбинира паралелно повикување, вградена ‘spam’ заштита, природно поврзување на повиците без роботски доцнења и лесна CRM интеграција, овозможувајќи им на тимовите да започнат со користење за само неколку дена.
Иницијалните показатели, заедно со јасно дефинираната целна група од 30–50 илјади мали продажни тимови кои моментално користат неадекватни решенија, беа клучен фактор за инвестиционата одлука на Zephyr Angels.
„Во Zephyr Angels инвестираме првенствено во тимови кои длабоко го разбираат проблемот што го решаваат и имаат капацитет брзо да испорачуваат конкретна вредност на пазарот. KALLIQ е токму таков пример: силен и способен тим, јасна пазарна ниша и продукт што е создаден од практична потреба, а не од теорија“, истакнува Гого Рафајловски од Zephyr Angels.
Инвестицијата ќе биде насочена кон додатно доформување на продуктот, воведување на напредни функционалности, како и тестирање и скалирање на продажниот модел. Целта на KALLIQ во наредните 12 месеци е да достигне стабилна база на платечки корисници и да се позиционира како ‘go-to’ алатка за outbound продажба кај малите и средни B2B тимови, прво на американскиот, а потоа и на европскиот пазар.
Со оваа инвестиција, Zephyr Angels и специјализираното инвестициски друштво Zephyr Equity уште еднаш ја потврдуваат својата мисија да поддржува амбициозни стартапи од регионот кои решаваат глобални проблеми и имаат потенцијал да изградат одржливи, високо-скалабилни бизниси.
Повеќе информации за KallIQ на: https://kalliq.com/
Повеќе информации за Zephyr Angels на: https://zephyr.mk/
