Претстојните iPhone 18 Pro и iPhone 18 Pro Max би можеле да ги задржат истите почетни цени како и нивните претходници, и покрај зголемувањето на трошоците за компоненти.
Претстојните iPhone 18 Pro и iPhone 18 Pro Max би можеле да ги задржат истите почетни цени како и нивните претходници, тврди аналитичарот Џеф Пу од GF Securities, повикувајќи се на извори од синџирот на снабдување на Apple.
Доколку оваа информација се покаже како точна, тоа би било позитивна вест за купувачите, особено во контекст на растот на трошоците за мемориските чипови. Имено, дел од глобалното производство на меморија сè повеќе се насочува кон AI дата-центри, што создава притисок врз цените на компонентите, а на крајот влијае и врз цените на уредите.
Apple е целосно свесен за овие факти, но според наводите на Пу, токму поради тоа компанијата е фокусирана на строга контрола на трошоците со цел да го задржи минатогодишното ценовно ниво на своите мобилни телефони. За да го постигне тоа, наводно преговара со производителите на меморија, како што се Samsung и SK Hynix, за поповолни услови за набавка.
Пу исто така очекува дека Apple би можел да ги намали трошоците за други клучни компоненти, вклучувајќи ги дисплеите и камерите, со цел да го компензира евентуалниот раст на цената на RAM меморијата.
