Realme го претстави моделот 16 Pro за Индија уште во јануари, а сега на официјалната веб-страница е наведен и европскиот модел, откривајќи неколку клучни разлики.
Додека индискиот модел има батерија со капацитет од 7.000 mAh, европскиот доби батерија од 6.500 mAh. Покрај тоа, индискиот модел поддржува жично полнење од 80W, додека европскиот поддржува само 45W.
На европските пазари телефонот се нуди исклучиво со 8 GB RAM во комбинација со 256 GB или 512 GB внатрешна меморија, додека индиската верзија е достапна и во варијанта со 12 GB RAM и 256 GB меморија. NFC и eSIM се поддржани во Европа, но не и во Индија, а не е изненадување што во кутијата нема полнач за европскиот пазар, додека за индискиот пазар има.
На крај, ветувањето за софтверска поддршка исто така се разликува – Европа добива подолг период на поддршка, додека Индија пократок.
Сè останато останува исто кај двата модели, па купувачите можат да сметаат на ист 6,78-инчен AMOLED екран со стапка на освежување од 144Hz и максимална осветленост од 6.500 нити, процесор Dimensity 7300 Max, главна камера од 200 MP со оптичка стабилизација на слика, ултраширока камера од 8 MP и селфи камера од 50 MP.
