Од иновации во роботиката до флегшип уреди, HONOR го проширува својот AI екосистем на MWC 2026
[Барселона, Шпанија – 1 март 2026] – На Mobile World Congress 2026 (MWC 2026), HONOR ја унапреди својата визија за Augmented Human Intelligence (AHI) и ја забрза реализацијата на ALPHA PLAN преку три поврзани столба: Alpha Phone, Alpha Store и Alpha Lab. Надоврзувајќи се на долгорочната посветеност кон развој на AI решенија насочени кон човекот, HONOR го претстави Robot телефонот – храбро истражување на отелотворена интелигенција и нов вид паметен телефон кој го редефинира начинот на кој идните AI уреди би можеле да интегрираат движење и просторна свесност.
Покрај оваа футуристичка иновација, HONOR го претстави и Magic V6 – врв на својата преклопна технологија, кој комбинира револуционерна силиконско-јаглеродна батерија, напреден инженеринг на екранот и AI-унапредена продуктивност во својот досега најсофистициран преклопен дизајн. Заедно со новите уреди од екосистемот – HONOR MagicPad 4 и MagicBook Pro 14 – овие најави дополнително ја потврдуваат стратегијата на HONOR за интеграција на интелигентен хардвер и софтвер насочени кон реалните потреби на корисниците.
James Li, извршен директор на HONOR, изјави: „Со пристапот насочен кон човекот како наша водилка, го водиме развојот на вештачката интелигенција преку два столба – IQ и EQ – обединувајќи три форми на интелигенција. Истражуваме нова парадигма на AI уреди преку Alpha Phone; развиваме нова парадигма на AI екосистем преку Alpha Store; и градиме нова парадигма на силиконско-јаглеродна цивилизација преку Alpha Lab. Со трите бранови на Alpha Plan, сега ги имаме сите клучни компоненти и ја движиме оваа трансформација со полна брзина.“
HONOR Robot телефон: нов вид паметен телефон
Robot телефонот претставува нова генерација паметен телефон кој комбинира интегрирана AI интеракција со движења на ниво на робот и кинематографски можности за снимање. Наместо да реагира исклучиво преку екран и гласовни команди, HONOR, фигуративно кажано, на својата нова генерација уреди им дава не само „мозок“, туку и „раце и нозе“, спојувајќи ја вештачката интелигенција со физичка, поекспресивна интеракција преку движење и поместување на камерата.
Мултимодалната перцепција му овозможува да препознава звуци, да следи движење и да одржува визуелна свесност за околината, создавајќи поприроден и поинтуитивен модел на интеракција. Поддржува AI видео-повици од сите агли, при што го следи корисникот благодарение на контрола на движење на ниво на робот. Уредот реагира и преку „емоционален“ говор на телото – со кимнување, одмавнување со глава, па дури и танцување во ритам на музика.
HONOR разви сопствен микро-мотор со исклучителна компактност и моќност, што овозможи интеграција на ултра-компактен 4DoF gimbal систем. Оваа механичка архитектура поддржува троосен gimbal систем за стабилизација, обезбедувајќи мазно и прецизно движење дури и во динамични услови.
Со сензор од 200 MP и стабилизиран gimbal систем, Robot телефонот има цел да го премости јазот меѓу снимање со паметен телефон и професионално визуелно раскажување приказни.
HONOR Magic V6: Нов стандард во светот на преклопните телефони
Додека Robot телефонот ја истражува иднината на интегрирана интелигенција, Magic V6 претставува врв на иновации во сегментот на премиум преклопни уреди.
Со ултра-тенок профил од 8,75 мм кога е затворен, зајакната конструкција и напредна шарка, уредот е дизајниран за долгорочна издржливост. Поседува IP68 и IP69 сертификати за отпорност на вода и прашина.
Благодарение на партнерството со ATL, Magic V6 користи силиконско-јаглероден материјал од петта генерација, со 25% удел на силикон и батерија од 6.660 mAh – поставена во еден од најтенките преклопни телефони на пазарот.
На MWC 2026 беше претставена и новата Silicon-carbon Blade батерија со 32% силициум и густина над 900 Wh/L – насочена кон преклопни уреди од 7.000 mAh.
Magic V6 има два LTPO 2.0 дисплеја – 6,52 инчи надворешен и 7,95 инчи внатрешен – со адаптивна стапка на освежување од 1–120 Hz и осветленост до 6.000 нита. Внатрешниот екран користи ултра-тенко флексибилно стакло со SGS Minimized Crease сертификат и 44% намалена видливост на преклопот.
Како прв преклопен уред со Snapdragon 8 Elite Gen 5 процесор и напреден систем за ладење, Magic V6 нуди извонредни перформанси и AI-оптимизирана продуктивност, вклучувајќи компатибилност со Apple екосистемот.
HONOR AI екосистем: MagicPad 4 и MagicBook Pro 14
HONOR MagicPad 4, со Snapdragon 8 Gen 5 мобилна платформа, носи премиум перформанси во куќиште дебело само 4,8 мм. Има 3K OLED екран со 165 Hz освежување и AI алатки за мултитаскинг. Поддржува интеракција со повеќе платформи, вклучително и Apple екосистемот.
MagicBook Pro 14, со Intel Core Ultra Series 3 процесори, комбинира 14,6-инчен OLED екран, водечки перформанси на батерија и интелигентно управување со перформансите во ултра-лесен дизајн.
Хуманоиден робот и визија за AI ерата
На настанот, HONOR го претстави и својот прв хуманоиден робот, најавувајќи поширок стратешки исчекор кон роботика за широка употреба. Роботите ќе бидат насочени кон:
- асистенција при купување
- инспекции на работно место
- поддршка и друштво за корисници
Со своето искуство во мобилни технологии, HONOR има предност во развој на AI уреди кои можат да ги препознаваат корисниците, да ги разбираат нивните потреби и да обезбедат персонализирана физичка поддршка уште од првиот контакт.
Достапност
HONOR Magic V6 ќе биде достапен на одбрани пазари во втората половина од годината (H2), а деталите за конфигурации и цени ќе бидат објавени локално. HONOR MagicPad 4 ќе биде достапен на нашиот пазар во април.
За компанијата HONOR
HONOR е водечка глобална компанија во областа на AI уреди. Посветена е на трансформација на интеракцијата меѓу луѓето и уредите, со цел да го поврзе AI екосистемот со сите потрошувачи во ерата на агентна вештачка интелигенција. Со портфолио што вклучува AI телефони, компјутери, таблети и носиви уреди, HONOR има за цел да го оснажи секој поединец да го прифати новиот интелигентен свет.
За повеќе информации посетете: www.honor.com/rs/ или пишете на newsroom@honor.com.
