Претстојните Fold преклопни телефони на Samsung со преклопен екран би можеле да добијат поддршка за побрзо полнење на батеријата
По Galaxy S26 Ultra, Samsung конечно би можел да ја подобри брзината на полнење кај своите флексибилни телефони. Најновите информации од регулаторни бази на податоци укажуваат дека Galaxy Z Fold 8 и новиот Wide Fold ќе добијат поддршка за 45 W брзо полнење, што би било прво позначајно унапредување уште од Galaxy Z Fold 2 генерацијата.
Според достапните податоци од кинеската 3C база, двата уреди ќе го задржат фокусот на баланс меѓу перформанси и автономија, но со значително подобрување во однос на досегашните 25 W, кои Samsung ги користи со години во овој сегмент. Воедно, се очекува и зголемување на капацитетот на батеријата на 5000 mAh, што е забележлив скок во споредба со 4400 mAh кај претходната генерација.
Samsung уредите на преклоп конечно ја стигнуваат конкуренцијата
Комбинацијата од поголема батерија и побрзо полнење би можела да претставува клучен чекор кон поконкурентно позиционирање на Samsung foldable уредите, особено во однос на кинеските производители кои веќе нудат значително поголеми брзини на полнење. Сепак, Samsung очигледно и понатаму избира поконзервативен пристап, фокусирајќи се на долговечноста на батеријата и безбедноста.
Од друга страна, Samsung Galaxy Z Flip 8 нема да го добие истото унапредување. Според истите извори, овој модел останува на 25 W полнење, без промени во однос на претходната генерација, што сугерира дека Samsung и понатаму прави јасна разлика меѓу Fold и Flip линијата кога станува збор за технолошките приоритети.
Доколку овие информации се потврдат, Samsung Galaxy Z Fold 8 би можел да биде првиот Samsung преклопен телефон што носи конкретен напредок во областа на автономијата и полнењето по повеќегодишна стагнација.
