Се чини дека единствената новина кај новата генерација на основниот iPad ќе биде помоќниот A18 SoC, кој ќе донесе и поддршка за Apple Intelligence.
Според информациите на Mark Gurman од Bloomberg, Apple наскоро би можел да ја претстави освежената верзија на својот основен iPad, при што главната надградба ќе дојде во форма на A18 SoC.
Во споредба со A16 SoC кој ја напојува актуелната генерација на основниот iPad, A18 би требало да донесе значително подобрување во перформансите, а воедно и поддршка за Apple Intelligence – пакетот на AI услуги на Apple, кој поради послаб хардвер досега не можеше да функционира на најевтиниот iPad.
Освен оваа надградба, Гурман наведува дека останатиот дел од спецификациите и дизајнот ќе остане непроменет, а најверојатно нема да има промена ниту во цената. Да потсетиме, актуелната 11-та генерација на iPad се појави на пазарот во првата половина од минатата година со почетна цена од 400 евра за основната конфигурација со 128 GB.
