Сите верзии на PlayStation 5 во Европа поскапуваат, а најголемо зголемување има кај PlayStation 5 Pro, чија цена се зголемува за дури 100 евра.
Sony најави ново поскапување на своите PlayStation 5 конзоли на глобално ниво, вклучително и во Европа, кое стапува на сила веќе од почетокот на април. Ова е второ зголемување на цените за помалку од една година, а од Sony како причина ги наведуваат „постојаните притисоци во глобалното економско опкружување“.
Во продолжение се старите и новите цени во Европа:
Стари цени:
- PlayStation 5 – 599,99€
- PlayStation 5 Digital Edition – 549,99€
- PlayStation 5 Pro – 799,99€
- PlayStation Portal – 199,99€
Нови цени:
- PlayStation 5 – 649,99€
- PlayStation 5 Digital Edition – 599,99€
- PlayStation 5 Pro – 899,99€
- PlayStation Portal – 249,99€
Според ова, стандардниот PlayStation 5 поскапува за 50 евра, како и верзијата без диск-уред. Најголемото зголемување се однесува на PlayStation 5 Pro, чија цена расте за дури 100 евра, додека PlayStation Portal поскапува за 50 евра.
Станува збор за значително поскапување, кое воедно ги подготвува купувачите и за можноста дека идниот PlayStation 6 би можел да биде уште поскап.
