Meta потврди дека Instagram започнал со тестирање на претплатничката услуга Plus на одредени пазари.
Досега, оваа услуга е забележана на Филипини, во Мексико и Јапонија, каде што чини 65 филипински пезоси / 39 мексикански пезоси / 319 јапонски јени. Овие износи се приближно два долари за Мексико и Јапонија и околу еден долар за Филипините.
За таа цена, корисниците добиваат некои ексклузивни функции, како што се можност за креирање повеќе публики за сторис, увид во повторно гледање на сторисите, пребарување на листата на гледачи, преглед (preview), продолжување на рокот на истекување на сторисите за дополнителни 24 часа, испраќање „супер срце“ и истакнување на сторисите.
Таму каде што се тестира, услугата е бесплатна во текот на првиот месец. Не е јасно кога или дали тестирањето ќе се прошири и во други земји. Исто така, не се знае дали оваа нова услуга ќе биде достапна за сите, кога би можело тоа да се случи и дали ќе го задржи овој пакет на функции непроменет или ќе претрпи одредени измени.
