По успешно вклучување на моторот на летелото Orion, четиричлената екипа на мисијата Artemis II официјално ја напушти орбитата на Земјата, означувајќи го првото враќање на луѓето кон Месечината, по историските мисии Apollo
Во рамки на актуелната мисија на NASA – Artemis II, четворица астронаути успешно изведоа клучно палење на главниот мотор на летелицата Orion, со што официјално ја напуштија орбитата на Земјата и се упатија кон Месечината. Маневарот „транс-лунарна инјекција“ траеше приближно шест минути и беше изведен околу 25 часа по лансирањето. Со овој потег, Рид Вајзман, Виктор Гловер, Кристина Кох и Џереми Хансен станаа првите луѓе што се упатија надвор од ниската орбита на Земјата уште од завршувањето на мисијата Apollo 17 во 1972 година.
Тестирање на системите
Леталото Orion, која во ноќта од среда кон четврток беше лансирано со ракетата SLS од вселенскиот центар Кенеди, го помина првиот ден во висока орбита тестирајќи ги системите за одржување на живот. Астронаутите во текот на овој период изведуваа вежби на ергометар со замаец за да спречат губење на мускулна и коскена маса, а успешно отстранија и помали технички проблеми со тоалетот, системот за дозирање вода и – Outlook. По потврдата дека сите системи се оперативни, контролата на мисијата во Хјустон даде зелено светло за патување кон Месечината.
Во текот на тридневното патување кон неа, екипажот ќе продолжи со испитување на перформансите на летелицата која за првпат во оваа конфигурација превезува луѓе. Иако мисијата не вклучува слетување на лунарната површина, Artemis II претставува клучна проверка на технологијата потребна за идните мисии Artemis III и IV, кои планираат враќање на луѓето на самата површина на Месечината во наредните години.
Серија задачи за екипажот
Се очекува Orion да ја достигне најоддалечената точка од Земјата што некогаш ја посетила човечка екипа, надминувајќи го рекордот на мисијата Apollo 13 од 1970 година. Планирано е летелицата да прелета околу 6.400 километри зад далечната страна на Месечината, користејќи ја нејзината гравитација за враќање кон Земјата. За време на овој прелет, предвиден за понеделник, 6 април, астронаутите ќе фотографираат површина на Месечината со висока резолуција и директно ќе набљудуваат области кои ретко се видени со човечко око.
Мисијата е дизајнирана како десетдневен тест лет што се потпира на „слободна патека на враќање“, што значи дека летелицата природно би се вратила на Земјата дури и во случај на откажување на погонскиот систем по денешниот маневар за вметнување во транс-лунарна орбита. Покрај научните набљудувања, екипажот ќе има можност да сведочи и на целосно затемнување на Сонцето од вселената. Сите собрани податоци за радијацијата, топлинскиот штит и навигациските системи ќе бидат клучни за долгорочната цел за воспоставување постојано човечко присуство на Месечината и подготовка за идни летови кон Марс.
Завршетокот на мисијата е планиран за 10 април, кога капсулата Orion треба да се спушти во Тихиот Океан. Тој процес ќе биде и најопасниот дел од патувањето, бидејќи топлинскиот штит на летелицата ќе мора да издржи екстремни температури и притисок при влегување во атмосферата со рекордна брзина.
