Оние што ја користат најновата верзија на iOS и апликацијата ChatGPT, и поседуваат возило компатибилно со CarPlay, можат да ја испробаат оваа функција.
За почеток, потребно е да се преземе најновиот софтвер, да се поврзе iPhone со CarPlay и да се избере „New voice chat“ во ChatGPT. Кога текстот во апликацијата ќе покаже „listening“, односно дека ChatGPT „слуша“, време е да се започне разговор.
Постојат неколку значајни ограничувања при користењето на ChatGPT Voice со CarPlay. Најпрво, chatbot-от на OpenAI не може да управува со функциите на автомобилот. Доколку возачот сака да ја прилагоди температурата во кабината или да прескокне песна, сè уште ќе му биде потребна Siri за тие задачи.
Поради ограничувањата на Apple, исто така не е можно да се активира ChatGPT со „будилна фраза“ како што е случајот со асистентот Siri. На пример, за да се продолжи претходен разговор, корисникот мора да ја отвори апликацијата ChatGPT преку CarPlay и да го избере неодамнешниот или закачениот разговор.
