Компанијата Samsung најави дека нејзината апликација за размена на пораки, наречена Samsung Messages, која се наоѓа на паметните телефони на оваа јужнокорејска компанија, наскоро ќе биде укината во САД.
Овој потег не е изненадувачки, бидејќи повеќето понови Samsung уреди веќе доаѓаат со претходно инсталираната апликација Google Messages.
Во известување објавено на својата веб-страница, Samsung потврди дека апликацијата Messages ќе биде укината во јули 2026 година. Компанијата ги повикува корисниците да преминат на Google Messages како нивна стандардна апликација за праќање пораки.
Samsung ги советува корисниците да се информираат за точниот датум на укинување на апликацијата, а компанијата исто така напомена дека телефоните со Android 11 и постари верзии нема да бидат погодени од укинувањето на услугата, бидејќи поддршката за апликацијата Samsung Messages ќе продолжи во овие случаи.
Серијата Samsung Galaxy S25, заедно со моделите Samsung Galaxy Z Fold6, Samsung Galaxy Z Flip6, како и поновите уреди, се испорачуваат со Google Messages како стандардна апликација за размена на пораки. Во САД, Samsung започна постепено да ја укинува својата апликација Messages уште со линијата Samsung Galaxy S22.
Самсунг нема планови да ја прекине апликацијата Samsung Messages во други земји, освен во САД.
