Дојавувачот Џон Просер во ново видео со рендери од iPhone Ultra прикажува преклопен смартфон кој е потенок од iPhone Air моделите, со голема батерија и унапреден механизам на шарка.
Преклопниот iPhone Ultra повторно е во центарот на вниманието, бидејќи новите рендери откриваат детали за дизајнот на првиот склоплив iPhone модел, кој би можел да донесе значајни промени во однос на постојните уреди на Apple.
Според најновите информации, претстојниот iPhone Ultra доаѓа со поширок формат на куќиште, што јасно го разликува од конкурентските модели како Galaxy Z Fold7, кои се карактеризираат со поиздолжена форма.
iPhone Ultra носи потенок дизајн на преклоп
Видеото на Џон Просер укажува на импресивно тенок профил на уредот. Во склопена состојба, дебелината изнесува околу 9,5 мм, додека во отворен режим се намалува на само 4,5 мм, што е дури и помалку од iPhone Air моделот кој има дебелина од 5,6 мм.
Големо внимание е посветено и на автономијата. Според достапните информации, уредот би можел да има батерија со капацитет од 5.800 mAh, што е повеќе во споредба со конкуренцијата како Z Fold серијата.
Еден од клучните технички напредоци се однесува на контролата на преклопот на екранот. Иако наборот нема целосно да биде елиминиран, се очекува неговата длабочина да се намали на околу 0,15 мм, што ќе го направи визуелно многу помалку забележлив. Овој напредок се припишува на нов дизајн на шарката со течен метал и употреба на 3D печатени компоненти.
Кога станува збор за камерите, се очекува конфигурација со два сензора, вклучувајќи главен и ултраширокоаголен модул.
Цената би можела да надмине 2.000 долари, што јасно го позиционира овој модел во премиум сегментот. И покрај тоа, се очекува голема побарувачка со ограничени почетни количини.
Важно е да се напомене дека неодамна се појавија и наводни видеа од уредот, но експертите брзо укажаа дека станува збор за лажни прикази направени со помош на модели и AI технологија, пренесува fpt.
