Samsung го зголемува производството на Galaxy S26 и S26 Ultra поради подобра продажба од очекуваното. Од друга страна, производството на Galaxy S26+ се намалува.
Откако првичните продажни резултати ги надминаа очекувањата, Samsung одлучи да го зголеми производството на одредени модели од серијата Samsung Galaxy S26 series во текот на април.
Иако почетниот план предвидуваше вкупно производство од 2,4 милиони примероци – вклучувајќи 800.000 Galaxy S26, 300.000 S26+ и 1,3 милиони S26 Ultra – новите производствени цели се значително изменети. Според извештај од Кореја, Samsung сега планира да произведе 1,3 милиони Galaxy S26, 1,5 милиони S26 Ultra и само 200.000 примероци од моделот S26+.
Причината за ова зголемување е фактот што Galaxy S26 се покажал како неочекуван хит меѓу купувачите, додека и S26 Ultra бележи нешто подобра продажба од очекуваното. Високата побарувачка за Ultra делумно се припишува на функцијата „Privacy Display“, која Samsung агресивно ја рекламира на сите пазари. Се очекува оваа функција наскоро да ја „копираат“ и други производители.
Од друга страна, послабата побарувачка за Galaxy S26+ се вклопува во поширок тренд што Samsung го бележи веќе неколку генерации. Имено, „плус“ моделите редовно остануваат во сенка на основната и Ultra верзијата, па веќе подолго време се шпекулира дека компанијата размислува за нивно укинување или барем редефинирање на нивната позиција во понудата.
