Honor WIN гејминг лаптопот носи револуционерно ладење со 6 вентилатори, RTX 5070 Ti и процесори од Intel генерацијата
Honor WIN гејминг лаптопот влегува на пазарот како еден од најамбициозните модели во сегментот, бидејќи Honor воведува досега невидено решение за ладење во стандарден формат на лаптоп компјутер.
Новиот модел, наречен Honor WIN Gaming Laptop H9, е првиот во светот што користи дури шест вентилатори во класичен гејминг лаптоп. Информациите беа објавени преку официјалните профили на компанијата на мрежата Weibo, каде што беа прикажани и првите детали за дизајнот.
Honor WIN лаптопот носи 6 вентилатори
Системот за ладење се состои од два вентилатори за внес на воздух и четири за издув, со што се постигнува околу 10% подобар проток на воздух и намалување на температурата во дел од површината на тастатурата за околу 2 степени Целзиусови. Ваквата конфигурација е подобра дури и од модели како Acer Predator 21 X, кој користеше пет вентилатори, но во значително поголемо куќиште.
Вентилаторите работат во комбинација со Honor Gaming Turbo X и Phantom Engine системите, кои користат динамички оверклок и AI распределба на ресурси за оптимизација на перформансите во игри и захтевни апликации. Вкупната потрошувачка на системот достигнува максимум од 270 W, што дополнително го нагласува фокусот на врвни перформанси.
Кога станува збор за конфигурациите, достапни се две варијанти. Основниот модел комбинира Intel Core i7-14650HX процесор со NVIDIA GeForce RTX 5060 графика и 16GB DDR5 меморија. Помоќната верзија доаѓа со Intel Core Ultra 9 290HX процесор и NVIDIA GeForce RTX 5070 Ti графика, што го позиционира во самиот врв на понудата.
Засега нема информации за цената и глобалната достапност, но официјалното претставување е закажано за 23 април во Кина,
