Типичниот европски дом е богат со историја, но како што се развива општеството, се менуваат и очекувањата. Старите имоти, зголемените трошоци за енергија и демографските промени откриваат дека сегашните домови не се изградени за начинот на кој луѓето живеат денес.
Фокс Ал Раџим, Менаџер на лабораторијата на Samsung за увид во европски животен стил, неодамна ја истражуваше улогата на Samsung во помагањето на постоечките домови да се приспособат на современиот начин на живот со поддршка од вештачка интелигенција (ВИ).
На целиот континент, еден од четворица возрасни лица сега живее со попреченост, што изнесува околу 90 милиони луѓе. Со зголемувањето на уделот на лица над 65-годишна возраст, важноста на модернизацијата на домот продолжува да расте. Многу домови во моментов не се дизајнирани имајќи го предвид овој опсег на потреби, а изградбата на нови домови е во опаѓање. Во овој контекст, адаптивната технологија е поважна од кога било.
“Луѓето живеат во своите домови подолго отколку во минатото, па овие објекти сега треба да функционираат во текот на многу различни животни фази”, вели Фокс. “Се стремиме да го направиме секојдневниот живот полесен и поинтуитивен како што се менуваат нашите потреби со текот на времето.”
Дизајнирање домови за вистински животи
Вештачката интелигенција почнува да го менува начинот на кој луѓето комуницираат со своите домови. Наместо да се приспособуваат на апаратите, корисниците сè повеќе можат самите да ги постават условите. Гласовната контрола, персонализираните поставки и автоматизираните функции стануваат дел од секојдневната употреба, поддржувајќи ја независноста и олеснувајќи го управувањето со задачите.
Функциите Voice Control и Auto Open Door на Samsung, кои се наоѓаат во фрижидери како моделот Family Hub, се одраз на оваа промена, дизајнирани со пристапноста како главен приоритет од самиот почеток.
Одржливоста е уште еден фактор што ги обликува европските домаќинства, особено кај оние кои се обидуваат да ја користат енергијата поефикасно и да носат поеколошки одлуки.
Податоците на “Samsung Lifestyle Lab Europe“ покажуваат дека 60% од луѓето известуваат дека доживуваат енергетски стрес, додека речиси половина (45%) се борат со загуба на топлина во нивните домови.
“За среќа, новите подобрувања со вештачка интелигенција можат да им помогнат на потрошувачите да ја оптимизираат потрошувачката на енергија и да ја подобрат ефикасноста со видливо влијание во реално време”, вели Фокс.
Најновите машини за перење на алишта на “Samsung“ вклучуваат елементи како што е подобрениот режим AI Wash+, што ги прави до 65% енергетски поефикасни од стандардните барања на европската класа А, преку детектирање на натовареноста и соодветно приспособување на водата, детергентот и поставките на циклусот, помагајќи им на домаќинствата да ја намалат потрошувачката на енергија и поефикасно да управуваат со трошоците.
Од паметни до адаптивни домови
Времето исто така го обликува начинот на кој луѓето ги доживуваат своите домови.
Современиот живот е динамичен, а домашните обврски остануваат нееднакво распределени. Жените во Европа сè уште трошат значително повеќе време на домашни обврски отколку мажите, додека потрошувачите во целина посветуваат часови секоја недела на рутински задачи како перење алишта.
Како резултат на тоа, се менуваат и ставовите кон вештачката интелигенција.
“Нашето истражување покажа дека 63% од луѓето велат дека се чувствуваат подготвени да прифатат повеќе вештачка интелигенција во своите домови“, вели Фокс. “За секој што нема многу време, прифаќањето на ВИ е едноставно најпрактичното решение”. Ова доведува до нова идеја: адаптивниот дом. За разлика од традиционалните паметни домови, кои се потпираат на однапред поставени команди, адаптивните домови се динамични. Тие учат од однесувањето, ги предвидуваат потребите и реагираат во реално време, без разлика дали станува збор за приспособување на потрошувачката на енергија, рационализирање на домашните обврски или приспособување на интеракциите на поединечни корисници.
“Улогата на вештачката интелигенција не е да го замени човечкото носење одлуки, туку да го надополни”, вели Фокс. “Таа дејствува како придружник во домот, учејќи, поддржувајќи и развивајќи се заедно со неговите жители.”
Оваа промена е особено значајна во Европа. Големите реновирања често се бавни и скапи, но интелигентните технологии нудат побрз пат до подобрување. Со додавање дигитални можности на постоечките простори, домовите можат да станат подостапни, поефикасни и пореспонзивни без потреба од големи структурни промени.
Во пракса, очекувањата од домот се менуваат. Технологијата станува дел од начинот на кој домовите ги задоволуваат секојдневните потреби, честопати без да бара големи промени.
За Samsung, можноста лежи во претворањето на оваа визија во реалност: создавање технологии кои не се само паметни, туку и значајни и дизајнирани да го подобрат секојдневниот живот на начини кои се интуитивни, инклузивни и трајни.
Бидејќи на крајот на краиштата, иднината на домот не се однесува само на иновации и попаметна технологија. Станува збор за овозможување подобар живот за сите.
