Motorola ја проширува Razr серијата со три нови преклопни модели со напредни екрани, моќни процесори и подобрени камери
Motorola официјално ги објави новите телефони, кои на меѓународниот пазар ќе се продаваат под имињата Razr 70, Razr 70 Plus и Razr 70 Ultra.
Motorola Razr 70 доаѓа со 6,9-инчен главен преклопен LTPO AMOLED екран со резолуција од 1.080×2.640 пиксели, стапка на освежување од 120Hz и максимална осветленост од 3.000 нити, како и 3,6-инчен LTPS AMOLED екран на капакот со резолуција од 1.056×1.066, стапка на освежување од 90Hz и максимална осветленост од 1.700 нити.
Го придвижува MediaTek Dimensity 7450X процесор во комбинација со 8 GB LPDDR5X RAM и 256/512 GB проширлива UFS 3.1 меморија. На задната страна има главна камера од 50 MP со OIS и ултраширок објектив од 50 MP, додека за селфи е тука камера од 32 MP.
Телефонот има батерија со капацитет од 4.800 mAh со поддршка за 30W жично и 15W безжично полнење, како и странично поставен сензор за отпечаток од прст. Поседува IP48 сертификат за отпорност на прашина и вода, а достапен е во Pantone Hematite, Pantone Bright White, Pantone Sporting Green и Pantone Violet Ice бои.
Razr 70 Plus е средниот модел кој добива 6,9-инчен „LTPO Extreme AMOLED“ екран со резолуција од 1.084×2.640 пиксели, стапка на освежување од 165Hz и максимална осветленост од 3.000 нити, како и 4-инчен LTPS Extreme AMOLED екран со резолуција од 1.272×1.080 пиксели, стапка на освежување од 165Hz и максимална осветленост од 2.400 нити.
Го придвижува Snapdragon 8s Gen 3 процесор во комбинација со 12 GB RAM и 256 GB простор за складирање. Камерскиот систем се состои од главна камера од 50 MP со OIS, ултраширока камера од 50 MP и селфи камера од 32 MP. Напојувањето е преку батерија од 4.500 mAh со поддршка за 45W жично, 15W безжично и 5W реверзибилно безжично полнење.
Тука се и странично поставен сензор за отпечаток од прст, IP48 заштита и Android 16. Уредот ќе биде достапен во Pantone Mountain View боја.
Razr 70 Ultra е „кралот“ на понудата, со 7-инчен Extreme AMOLED внатрешен екран со резолуција од 1.224×2.992, стапка на освежување од 165Hz и максимална осветленост од 5.000 нити, како и 4-инчен екран на капакот со резолуција од 1.272×1.080, стапка на освежување од 165Hz и максимална осветленост од 3.000 нити.
Го придвижува Snapdragon 8 Elite процесор во комбинација со 16 GB RAM и 512 GB простор за складирање. Има главна камера од 50 MP со LOFIC сензор и OIS, ултраширока камера од 50 MP и селфи камера од 50 MP. Присутни се и IP48 сертификат и странично поставен сензор за отпечаток од прст.
Ultra моделот има батерија од 5.000 mAh со поддршка за 68W жично, 30W безжично и 5W реверзибилно безжично полнење. Работи на Android 16 како и останатите модели од серијата и ќе биде достапен во Pantone Orient Blue и Pantone Cocoa бои.
