OnePlus претстави премиум Android таблет со моќен чипсет, голем 144Hz дисплеј и батерија од 13.380mAh
OnePlus Pad 4 е лансиран во Индија како наследник на OnePlus Pad 3, кој дебитираше во земјата во септември 2025 година. Најновиот премиум Android таблет на OnePlus доаѓа со чипсет Snapdragon 8 Elite Gen 5, кој е комбиниран со до 12GB LPDDR5X RAM и 512GB UFS 4.1 меморија. Таблетот има метален unibody дизајн, дебелина од 5,94 мм и тежина од 672 грама.
Тој располага со голем 13,2-инчен LCD дисплеј со освежување од 144Hz, резолуција од 3.392 x 2.400 пиксели, 540Hz touch sampling rate и до 1.000 nits осветленост во high-brightness режим. Екранот има сооднос 7:5 и 12-битна длабочина на боја.
Под површината, Pad 4 има голема парна комора од 45.260 mm², која треба да го подобри одведувањето на топлината при оптоварување. Таблетот доаѓа со батерија од 13.380mAh која поддржува брзо полнење до 80W.
На задната страна има главна камера од 13MP со LED блиц, додека за селфи и видео повици е вклучена предна камера од 8MP.
OnePlus Pad 4 работи на Android 16 базиран OxygenOS 16 и нуди функции како Seamless Sync и можност за истовремено користење до 5 прозорци.
Исто така, има 8 звучници, двојни микрофони, Wi-Fi 7, Bluetooth 6.0, 5G sharing и USB Type-C порт. Официјалните додатоци ги вклучуваат OnePlus Stylus Pro и Smart Keyboard.
Таблетот е достапен во бои Dune Glow и Sage Mist. Продажбата започнува на 5 мај преку официјалната онлајн продавница на OnePlus во Индија, како и преку Amazon India, Flipkart и физички продавници.
Цената започнува околу 630 долари за верзијата со 8GB/256GB, додека варијантата со 12GB/512GB чини околу 685 долари.
