Samsung подготвува нов Galaxy Z Flip8 со подобрена шарка, потенок дизајн и дисплеј без видлива линија на превиткување, но со минимални промени кај камерите и батеријата.
Galaxy Z Flip и Z Fold) сериите на Samsung се подготвуваат да влезат во својата осма генерација подоцна оваа година, а нов извештај од Јужна Кореја ги открива можните промени што доаѓаат кај Flip моделот.
Се очекува Samsung да воведе панел за преклопување без видлива линија на превиткување, заедно со нов механизам на шарка. Извештајот не навлегува во детали, но може да се претпостави дека Samsung ќе користи двослоен Ultra Thin Glass (UTG), исто како што се шпекулира и за Galaxy Z Fold8.
Се вели дека Galaxy Z Flip8 ќе биде малку повисок од актуелниот модел, а и покрај надградените хардверски компоненти, ќе биде околу 8 грама полесен од својот претходник. За жал, не се очекуваат промени кај камерите на Z Fold8, што значи дека најверојатно повторно ќе ги видиме истите сензори: главна камера од 50MP и ултраширока од 12MP, по трет пат.
Надворешниот дисплеј, звучниците и вибрацискиот мотор исто така се очекува да останат непроменети.
Претходни извештаи укажуваат дека батеријата од 4.300mAh и брзото полнење од 25W од Z Flip7 ќе бидат пренесени и во Z Flip8. Во исто време, најновите информации сугерираат и мало зголемување на цената, кое би можело да важи само за јужнокорејскиот пазар.
