Помал засек за Dynamic Island како главна дизајнерска промена кај новата iPhone 18 Pro серија на Apple
Во изминатите неколку месеци практично сведочиме на игра „ќе биде или нема да биде“ кога станува збор за гласините и протекувањата за тоа дали Apple ќе го намали засекот за Dynamic Island кај претстојните iPhone 18 Pro и iPhone 18 Pro Max модели.
Денес, еден дојавувач на мрежата X тврди дека добил нови CAD фајлови за овие уреди (доколку е тоа точно, најверојатно потекнуваат од производител на футроли кој пак ги добил од самата Apple). Како што може да се види на сликата подолу, овие нови CAD фајлови прикажуваат значително помал punch-hole исечок на врвот од екранот во споредба со оној што се користи кај Pro серијата уште од iPhone 14 Pro.
Можно е да станува збор и за оптичка илузија, но изгледа дека исечокот е малку повисок, додека очигледно е потесен. Во секој случај, доколку ова е точно, најверојатно значи дека Apple успеал да вгради барем дел од Touch ID сензорите под екранот – бидејќи тие повеќе не се дел од исечокот, самиот исечок може да биде помал.
Со оглед на тоа што се шпекулира дека задниот дизајн на iPhone 18 Pro и iPhone 18 Pro Max ќе остане речиси идентичен со нивните претходници, помалиот Dynamic Island би можел да биде главната дизајнерска промена кај овогодинешните iPhone Pro модели.
