Социјалната мрежа Instagram започна да тестира ознака наречена „AI Creator“ за профили кои често објавуваат содржина генерирана со помош на вештачка интелигенција.
Се чини дека оваа опција, барем засега, е доброволна, што значи дека сопственикот на профилот сам треба да избере дали ќе ја добие таа ознака. Доколку се одлучи за тоа, ознаката „AI Creator“ ќе се појави на неговиот профил и кај објавената содржина.
Сè уште станува збор за тест фаза, па не сите имаат пристап до оваа функција, но според наводите на Instagram, таа ќе се прошири во наредните недели. Зошто луѓето кои објавуваат AI содржина би сакале да го нагласат тоа со оваа ознака, не е баш јасно, но можеби сепак постои некаква логика зад тоа.
Или Instagram едноставно сака да покаже дека презема нешто во врска со AI содржината, иако структурата на поттикнување тука е прилично слаба, бидејќи „креаторите“ кои објавуваат ваква содржина немаат никаков мотив самите да се означат како такви.
Интересно е што компанијата ги уверува своите „AI креатори“ дека вклучувањето на оваа ознака не влијае на тоа како нивниот профил или содржина се дистрибуираат на Instagram.
