Фидот со вести на MSN е биде скриен под дифолт, што според Microsoft треба да ја направи лентата со задачи попрегледна
Microsoft конечно се откажува од прикажувањето на MSN фидот со вести при отворање на виџетите во Windows 11. Иако на корисниците уште пред повеќе од две години им беше овозможено да го исклучат овој фид, сега тој ќе биде скриен под дифолт..
„Работиме на тоа widget-ите да бидат помалку наметливи и пренатрупани, за искуството да биде помирно по подразбирање. За таа цел тестираме нов сет на поставки што ги намалуваат неочекуваните известувања и визуелните одвлекувања на вниманието“, порачуваат од Microsoft.
Дополнително, Microsoft планира да го оневозможи автоматското отворање на панелот со widget-и при поминување со глувчето над иконата на лентата со задачи, како и да ги исклучи визуелните ознаки (badge-ови) што го одвлекуваат вниманието. Панелот со виџети во иднина ќе се отвора директно на виџетите, а не на фидот на MSN, додека известувањата на лентата ќе бидат ограничени сè додека корисникот сам не одлучи да ги отвори.
Овие промени треба да ја направат лентата со задачи попрегледна и помалку напорна за користење, имајќи предвид дека widget-ите често прикажуваа разни известувања кои, искрено, не беа од голема корист.
