Во Кина за помалку од 260 евра може да се купи смартфон со батерија од дури 11.000 mAh, а ниту останатите спецификации не се воопшто лоши за таа цена.
Honor го претстави моделот Honor X80 Pro Max, кој на кинескиот пазар се продава за 1.699 јуани (околу 257 евра според актуелниот курс). Уредот нуди батерија со капацитет од дури 11.000 mAh, со поддршка за 90W жично полнење и 27W обратно жично полнење, што практично му овозможува да служи и како надворешна батерија (power bank).
Смартфонот е опремен со 6,8-инчен LTPS AMOLED екран со резолуција од 1.280 × 2.788 пиксели и стапка на освежување од 120 Hz. Производителот наведува максимална осветленост од дури 10.000 нити, иако таа се постигнува само во одредени сценарија при репродукција на видео содржини.
За перформансите е задолжен чипсетот Qualcomm Snapdragon 6 Gen 5, комбиниран со до 12 GB RAM меморија и до 512 GB внатрешна меморија. Иако на задната страна изгледа како да има повеќе камери, всушност е вградена главна камера од 50 MP со оптичка стабилизација на сликата (OIS), додека за селфи фотографии е предвидена предна камера од 8 MP.
Honor X80 Pro Max доаѓа со Android 16 и MagicOS 10, а поседува и IP68 и IP69K сертификати за отпорност на вода и прашина.
Засега уредот е претставен исклучиво за кинескиот пазар и нема информации дали и кога би можел да стане достапен на европските пазари, вклучително и кај нас.
