Google Pixel Watch 5 ќе биде претставен заедно со новите Pixel 11 телефони на 12 август, а според објавените рендери, дизајнот нема значително да се разликува од претходната генерација.
Пред големите презентации на Google, како што обично се случува, се појавија рендери од претстојниот Pixel Watch 5, кој официјално ќе биде претставен на 12 август заедно со серијата смартфони Pixel 11.
Рендерите, објавени од The Tide Chart во соработка со познатиот дојавувач OnLeaks, покажуваат дека Google оваа година не се одлучил за поголеми дизајнерски промени. Со други зборови, Pixel Watch 5 ќе го задржи препознатливиот кружен облик со заоблено стакло.
Google Pixel Watch 5 ќе биде достапен во две големини на куќиштето – 41 и 45 милиметри, а двете верзии ќе се нудат со Wi-Fi и LTE поврзување.
Помалиот модел ќе биде достапен во боите Dark Anthracite, Natural Silver, Pyrite и Warm Gold, додека поголемата верзија нема да има златна варијанта.
Се очекува Pixel Watch 5 да пристигне со оперативниот систем Wear OS 7, како и со нешто поголеми батерии во однос на претходната генерација. Сепак, наводно ќе има и повисока цена за околу 50 евра.
Изгледа дека повисоката цена нема да се однесува само на Pixel Watch 5, туку и на новата серија смартфони Pixel 11. Целосната табела со европските цени е објавена во дополнителниот текст.
