Apple наводно разива прототип за поголем дисплеј за iPhone со дијагонала од околу 6,96 инчи, кој најверојатно би се рекламирал како 7-инчен панел доколку влезе во сериско производство.
Според кинескиот дојавувач Digital Chat Station, Apple интерно го тестира дисплејот во рамки на подготовките за iPhone по повод 20-годишнината, кој се очекува да биде претставен следната година. Дојавувачот наведува дека односот на страните на екранот е ист како кај актуелниот iPhone 17 Pro Max, но во оваа фаза сè уште не е потврдено дали дисплејот навистина ќе биде вграден во iPhone 20 Pro Max.
Минатиот месец, Bloomberg објави дека Apple започнал да ги интензивира работите на два модели на iPhone по повод 20-годишнината, со различни големини. Повеќе гласини сугерираат дека уредот ќе има дисплеј од раб до раб, со закривено стакло од сите страни, што би создало визуелен ефект со речиси целосно отсуство на рамки.
Се очекува претстојните модели iPhone 18 Pro и iPhone 18 Pro Max, кои треба да пристигнат оваа година, да ги имаат истите димензии како актуелните модели iPhone 17 Pro, достапни со екрани од 6,3 и 6,9 инчи.
Apple последен пат ја зголеми големината на дисплеите кај своите премиум iPhone модели со серијата iPhone 16 Pro во 2024 година. iPhone 16 Pro порасна од 6,1 на 6,3 инчи, додека iPhone 16 Pro Max се зголеми од 6,7 на 6,9 инчи, благодарение на потенките рамки и малку поголемите димензии на куќиштето.
Денешната гласина е првпат да слушнеме за планови за зголемување на големината на дисплејот кај комеморативниот iPhone на Apple, кој треба да биде претставен во 2027 година.
