Provence Agency официјално ја започнува Local Growth Initiative, иницијатива насочена кон поддршка на малите и средни претпријатија во Македонија преку стратешка комуникација, позиционирање, брендирање и практична поддршка во градењето на нивната пазарна препознатливост.
Во последните години, Македонија бележи континуиран раст на малите и средни претпријатија, локалните производители и занаетчиските бизниси. Сѐ повеќе претприемачи одлучуваат своите идеи да ги претворат во одржливи компании, создавајќи производи и услуги со висок квалитет и потенцијал за раст.
Сепак, голем дел од овие компании секојдневно се соочуваат со предизвикот самостојно да ја водат комуникацијата со јавноста, маркетинг активностите и развојот на својот бренд, додека најголемиот дел од времето го посветуваат на развојот на производот или услугата што ја нудат. Како резултат на тоа, многу квалитетни домашни бизниси остануваат недоволно препознаени на пазарот.
Токму од оваа потреба произлегува Local Growth Initiative – иницијатива која има за цел да им обезбеди стратешка и практична поддршка на малите и средни претпријатија во делот на комуникацијата, позиционирањето и градењето на брендот.
Во рамки на иницијативата, избраните компании ќе добијат анализа на нивната моментална комуникација, подготовка на комуникациска стратегија, предлог за пилот комуникациска кампања, како и препораки за понатамошен развој и јакнење на нивната пазарна позиција.
Проектот се реализира по модел на кофинансирање, при што 75% од трошоците за подготовка и реализација на комуникациската стратегија и пилот активностите ги покрива Provence Agency заедно со своите партнери и соработници, додека избраните компании учествуваат со 25% од вкупната инвестиција.
„Веруваме дека Македонија располага со голем број компании кои создаваат квалитетни производи и услуги, но честопати немаат пристап до стратешка комуникациска поддршка. Преку Local Growth Initiative сакаме да им помогнеме токму на тие компании појасно да ја комуницираат својата вредност, да изградат посилен бренд и да создадат основа за понатамошен раст“, велат иницијаторите на проектот.
Повикот е отворен за мали и средни претпријатија кои активно работат најмалку една година, остваруваат приходи и имаат амбиција да инвестираат во понатамошниот развој на својот бизнис.
Provence Agency ги охрабрува сите заинтересирани компании да ја искористат оваа можност и да аплицираат за учество во првата генерација на Local Growth Initiative.
Заинтересираните компании можат да се пријават со испраќање краток опис на својот бизнис, официјалното име на компанијата и целите што сакаат да ги постигнат во наредниот период на office@provenceagency.net, со назнака:
„Повик за поддршка на мали и средни претпријатија“ – [Име на компанијата].
За Local Growth Initiative
Local Growth Initiative е иницијатива за поддршка на мали и средни претпријатија во Македонија, насочена кон унапредување на нивната комуникација, позиционирање и развој на нивниот бренд. Иницијативата е иницирана и реализирана од Provence Agency, во партнерство со компании и професионалци кои активно придонесуваат кон развојот на локалното претприемништво.
