Во текот на седум генерации, Samsung помогна во дефинирањето на категоријата на преклопни уреди преку напредок во технологијата на дисплеи, инженерството на шарки и иновациите во материјалите, сето тоа водено од длабоко разбирање на тоа како потрошувачите ги користат своите уреди.
Во разговор за Samsung Newsroom, Сунгун Мун (Sunghoon Moon), Потпретседател и виш извршен директор на Канцеларијата за истражување и развој на мобилен хардвер, Деловна дивизија за мобилно искуство (Mobile eXperience – MX) во Samsung Electronics, откри како овие сознанија го водеа инженерството зад најновите преклопни уреди на Samsung.
П: Како седум генерации кориснички сознанија го обликуваа пристапот на Samsung кон најновата серија Galaxy Z?
Од самиот почеток, ги гледавме преклопните уреди како можност да го редефинираме начинот на кој луѓето комуницираат со своите паметни телефони, не само како нов формат. Низ седум генерации, научивме како луѓето ги отвораат, носат, расклопуваат и се потпираат на своите уреди. Овие сознанија ги обликуваа нашите инженерски приоритети и ја водеа секоја нова генерација на серијата Galaxy Z.
Со текот на времето, три приоритети станаа јасни: поголеми, поимерзивни дисплеи; потенки и полесниуреди без компромис за издржливоста; и ултра перформанси, додека се зачувуваат уникатните предности на преклопните формати. Испораката на сите три стана дефинирачкиот инженерски предизвик зад најновата серија Galaxy Z.
П: Samsung ја опишува иновацијата на преклопните уреди како инженерство на еден поврзан систем. Што значи тоа во пракса?
Со преклопните уреди, секоја компонента е меѓусебно поврзана. На пример, правењето на уредот потенок значи редизајнирање на екранот, шарката, батеријата, термичкиот систем и внатрешната архитектура заедно. Наместо да ги оптимизираме поединечните делови одделно, ние го дизајнираме целиот уред како еден поврзан систем. Оваа инженерска филозофија од почеток до крај се протега од дизајн на материјали и компоненти до производство, валидација и искуство со финалниот производ, дозволувајќи им на инженерските достигнувања да станат подобрувања што луѓето ги доживуваат секој ден.
П: Новата Galaxy Z серија ја воведува технологијата Flex Titanium. Кои инженерски предизвици серешија со оваа технологија?
Нашата цел беше да ги направиме преклопните уреди потенки и полесни, без компромис за издржливоста или искуството при гледање. Ова бараше од нас да ја преработиме потпорната структура на екранот што го заштитува ултра–тенкиот OLED панел, а воедно да ја зачуваме флексибилноста потребна за повеќекратно преклопување.
Користен во индустриите кои побаруваат повеќе, како што е воздухопловството, титаниумот нудеше цврстина и отпорност на трајна деформација, карактеристики кои се неопходни за преклопен екран. Но, изборот на материјал беше само почеток. Вистинскиот предизвик беше развивањето на експертизата за обработка, структурен дизајн и производство потребни за да се направи титаниумот погоден за повеќекратно преклопување.
Технологијата Flex Titanium комбинира два елементи базирани на титаниум. Титаниумската плоча под екранот служи како примарна структурна потпора, помагајќи во апсорбирањето на притисокот и влијанието и од предната и од задната страна на уредот. Прецизно изработената решеткаста структура, создадена преку хибриден процес на производство, ѝ овозможува на плочата да остане флексибилна, а воедно ја одржува структурната цврстина. Под панелот на екранот, филмот од легура на титаниум обезбедува цврстина, флексибилност и еластично закрепнување потребно за поддршка на повеќекратно секојдневно преклопување, дури и со дебелина од само десетици микрометри, што еприближно една третина од дебелината на човечката коса.
Заедно, овие иновации ја зајакнаа структурата за поддршка на екранот, а воедно ја намалија дебелината на модулот за екранот за 10%, создавајќи дополнителен простор за батеријата, термичкиот систем и камерата. За корисниците, тоа значи потенок, полесен уред, со порамен екран и намалена видливост на наборите.
П: Како Samsung го реинвентираше системот на батерии за најновата серија Galaxy Z?
Корисниците очекуваат подолг век на траење на батеријата, побрзо полнење и потенок преклопен уред,без да се загрози безбедноста, стабилноста или долгорочната сигурност. Исполнувањето на тие очекувања бараше ре–инженерство на системот на батерии, а не само зголемување на капацитетот на батеријата.
Воведовме силициум-јаглеродна анода за да ја подобриме густината на енергијата, но иновацијата се протега подалеку од анодата. Бидејќи силициум-јаглеродните материјали се пореактивни, одржувањето на долгорочната стабилност под услови на висок напон значеше оптимизирање на целиот систем на батерии. Подобрувањата на структурата на екранот, исто така, создадоа дополнителен внатрешен простор, што ни овозможи да го редизајнираме системот на батерии, а воедно да зачуваме потенок формат. Како резултат на тоа, Galaxy Z Fold8 Ultra има батерија од 5.000 mAh.
Истата филозофија го обликуваше полнењето. Наместо да примениме едно решение низ целата линија, развивме архитектури за полнење прилагодени на секој преклопен формат. Galaxy Z Fold8 Ultra и Galaxy Z Fold8 користат двојна архитектура за полнење што помага поефикасно да се дистрибуира енергијата низ целиот систем на батерии, овозможувајќи побрзо, постабилно и посигурно полнење, а воедно и подобрување на управувањето со топлината. Ова поддржува 45W брзо полнење, овозможувајќи му на Galaxy Z Fold8 Ultra да достигне 67% наполнета батерија за 30 минути. За Galaxy Z Flip8, архитектурата на полнење беше посебно оптимизирана за уникатните просторни и термички барања на неговиот компактен формат.
П: За да се осигури дека уредите на преклопување можат да издржат години секојдневна употреба, како Samsung ја потврдува издржливоста пред да го пласира уредот на пазарот?
За нас, издржливоста не е само дизајн, таа мора да се докаже преку тестирање. Го потврдивме целиот систем на преклопување под услови што одразуваат како луѓето ги користат своите уреди. Најновата серија Galaxy Z беше подложена на повеќе од 100 тестови за валидација на релијабилност што опфаќаат услови од реалноста, вклучувајќи падови, постојано преклопување, притисок, влага и остатоци. Нашата цел беше да разбереме како целиот уред функционира во секојдневна употреба, да идентификуваме потенцијални предизвици пред да стигнат до клиентите и да изградиме уреди на кои луѓето можат да им веруваат.
П: Гледајќи наназад кон целиот процес на развој, како би го опишале пристапот на Samsung зад серијата Galaxy Z?
Сè започнува со корисникот. Во текот на седум генерации, ги трансформиравме увидите на корисниците во иновации во материјалите, компонентите и целокупното искуство со уредот. Таа филозофија продолжува да ја води серијата Galaxy Z, испорачувајќи уреди на преклопување кои се потенки, потрајни, поспособни и поинтуитивни од година во година.
