Honor ги претстави главните функции на MagicOS 11, вклучувајќи ги архитектурите Luminous и Hummingbird, новиот LLM и унапредувањата насочени кон помазно работење на интерфејсот
Honor ги претстави главните функции на MagicOS 11 на настанот Pioneer Event, неколку недели пред објавувањето на стабилната верзија на системот. Овојпат во фокусот не е само Liquid Glass дизајнот на интерфејсот, туку и две нови основи на системот: архитектурите Luminous и Hummingbird.
Директорот за производи на MagicOS, @HonorGuiLi, ги претстави најважните промени што Honor ги воведува во новата верзија на софтверот. Архитектурата Luminous е насочена кон перформансите на интерфејсот и контролата на потрошувачката на енергија, додека Hummingbird треба да обезбеди мазно и конзистентно работење низ целиот систем.
Hummingbird не се однесува само на основниот интерфејс, туку и на отворањето и затворањето на апликациите од други производители. Целта е транзициите, анимациите и секојдневното користење да останат подеднакво мазни на различни модели од понудата на Honor.
Структурата Luminous користи шест слоеви визуелни ефекти и повеќе од 40 параметри за фино прилагодување на анимациите и изгледот на интерфејсот. Honor наведува и дека е дополнително оптимизирана GPU-компилацијата на алгоритмите, со обединување на повеќе слоеви во еден процес.
MagicOS 11 ги користи архитектурите Luminous и Hummingbird за пофлуидно работење
Honor ја опишува архитектурата Luminous како реконструкција на основниот Android слој, со акцент на Liquid Glass ефектите и минимално зголемување на потрошувачката на енергија. Целта е интерфејсот да изгледа побогато и пософистицирано без значително влијание врз траењето на батеријата.
Компанијата ја опишува Hummingbird Architecture како Human-Driven Smooth System, односно систем кој треба да обезбеди конзистентно корисничко искуство на сите модели и низ различни типови апликации. Honor наведува дека овој пристап бил развиван и преку соработка со повеќе универзитети.
MagicOS 11 носи и минималистички интерфејс за побрз пристап до уредите и функциите во рамките на целиот екосистем. Фокусот е корисникот да стигне до посакуваната опција со што е можно помалку чекори и прекини во работата.
Во системот е интегриран и нов LLM, кој се користи за пресметки на физика во реално време, RT-driven генерирање кадри, независни анимации и оптимизирано распределување на ресурсите.
Honor тврди дека комбинацијата од овие промени ќе ја подобри вкупната флуидност на системот за 20 проценти, додека архитектурите Luminous и Hummingbird треба да претставуваат основа за постабилно работење и значително пократко време на одговор на командите во MagicOS 11.
