Honor 600 серијата им носи на почетниците совети за мобилна фотографија поддржана со вештачка интелигенција
Над долината се движат облаци, светлината се пробива низ нив само неколку секунди и глетката целосно се менува. На повеќето луѓе им се случува ваквите моменти да поминат пред да ја подготват камерата. Со HONOR 600 серијата, ваквите сцени можете да ги забележите токму онака како што се случуваат, додека вештачката интелигенција дискретно работи во заднина, ја препознава ситуацијата, ја балансира експозицијата и ги зачувува деталите.
Honor споделува сет совети за фотографирање со помош на вештачка интелигенција, наменет за почетници во мобилната фотографија кои сакаат нивните фотографии и видеоснимки што поверно да го доловат она што навистина го виделе и почувствувале. Советите се однесуваат на композицијата, светлината, движењето и едноставната обработка директно на уредот, додека Honor 600 серијата нуди AI-функции кои помагаат идеите да се претворат во впечатливи фотографии.
Honor 600 серијата е осмислена така што секој може да следи едноставни правила за подобро фотографирање со телефон, а потоа да ѝ препушти на AI-технологијата да го заврши покомплексниот дел од работата. Фотографката и режисерката Алина Кондрат ја тестираше Honor 600 серијата во реални услови.
AI што се приспособува на сцената
За секој што фотографира со телефон, една од најдобрите навики е да застане и да ја согледа сцената пред да го притисне копчето за фотографирање: од каде доаѓа светлината, што е во фокусот и како погледот на набљудувачот ќе се движи низ кадарот? Корисно е да се бараат водечки линии, природни рамки како дрвја или згради, како и јасен елемент во преден план кој на фотографијата ќе ѝ даде длабочина.
Кај Honor 600 серијата, AI Scene Recognition и Smart HDR ѝ помагаат на камерата автоматски да се приспособи на сцената. Додека корисникот се фокусира на приказната и композицијата, телефонот ја приспособува експозицијата и ги усогласува светлите и темните делови од кадарот, што го олеснува добивањето добро компонирана фотографија без потреба од рачни поставувања.
Работа со природна светлина
Почетниците во фотографијата брзо сфаќаат дека светлината е поважна од бројот на мегапиксели. Фотографирањето во периодите непосредно пред и по изгрејсонце или зајдисонце, избегнувањето силна пладневна светлина и вниманието на начинот на кој светлината ги обликува лицата и пејзажите можат значително да ги подобрат резултатите.
Honor 600 серијата го поддржува ова со функциите AI Color Enhancement и AI HDR Optimization, кои помагаат да се зачуваат суптилните премини на боите на небото и деталите во светлите и темните делови од фотографијата. Корисниците можат да експериментираат со фотографирање со контраосветлување, силуети и нагласени форми, знаејќи дека уредот ќе се обиде да ја задржи соодветната експозиција и природните бои.
Снимање движење без заматување
Уште еден универзален совет е да го предвидите движењето, наместо да реагирате на него. Набљудувањето на начинот на кој луѓето се движат низ просторот, како се кршат брановите или како се одвива сообраќајот овозможува подобро темпирање на фотографијата и помага да се избегнат случајни и заматени кадри.
Honor 600 серијата дополнително го олеснува ова со AI Motion Detection и AI Stabilization. Камерата го анализира движењето во кадарот и помага фотографиите да бидат поостри, дури и кога субјектите брзо се движат или фотографот е во движење. Континуираното фотографирање, во комбинација со овие AI-алатки, им овозможува на корисниците да снимат низа кадри, а потоа директно на уредот да го изберат најдобриот момент.
Создавање атмосфера во услови на слаба осветленост
Ноќните сцени и сцените со малку светлина често имаат најизразена атмосфера: градските светла, логорските огнови, магливите улици. Едноставно правило за секој што фотографира со телефон е да го држи телефонот стабилно, да ги користи изворите на светлина во близина како потпора за композицијата и да избегнува прекумерно осветлување на фотографијата, кое може да ја наруши атмосферата.
Во вакви услови, Honor 600 серијата се потпира на AI Night Mode и Multi-frame AI Noise Reduction за да прикаже повеќе детали, а истовремено да ја зачува атмосферата на сцената. Телефонот комбинира повеќе кадри за да го намали шумот и да ја балансира осветленоста и боите, така што корисниците можат да ја зачуваат посакуваната атмосфера без користење силни филтри.
Уредувајте како професионалец, директно на телефонот
Дури и кога се внимателно направени, фотографиите од телефон можат да изгледаат уште подобро со неколку мали корекции: отстранување нешто што го одвлекува вниманието, подобрување на боите или изострување на благо заматена фотографија. Основното правило е обработката да биде едноставна и фокусирана – отстранете го она што го нарушува кадарот, поправете ги најочигледните недостатоци и запрете пред фотографијата да почне да изгледа неприродно.
Honor 600 серијата овозможува ваков начин на обработка директно на уредот, благодарение на низата AI-алатки за уредување. Magic Color им овозможува на корисниците со еден допир на своите фотографии да им дадат професионален филмски изглед. AI Eraser и AI Remove Reflection помагаат сцената да се исчисти со отстранување несакани лица, објекти или одрази. AI Cutout ги издвојува субјектите за создавање нови композиции, AI Upscale ги подобрува фотографиите со ниска резолуција или исечените фотографии, додека AI Outpainting интелигентно ги проширува рабовите на фотографијата за да се подобри композицијата или фотографијата да се приспособи на нови формати. Заедно, овие функции го претвораат телефонот во своевидно мало студио за обработка на фотографии, кое секогаш е при рака.
Тестирано во реални услови на отворено
За овие AI-можности да се потврдат и во пракса, HONOR 600 серијата ја тестираше на терен фотографката и режисерката Алина Кондрат, и тоа низ различни пејзажи и променливи светлосни услови. Сите фотографии и видео-упатства се снимени со HONOR 600 серијата и покажуваат што можат да постигнат советите наменети за почетници и напредните AI-можности за фотографирање кога се користат заедно.
