Највпечатливите ентериери не се само исполнети со убави предмети. Тие се внимателно обликувани така што мебелот, осветлувањето, материјалите и технологијата се вклопуваат во една единствена, хармонична естетика.
Луѓето кои сакаат дом со внимателно дизајниран изглед сѐ почесто избираат впечатливи парчиња што имаат долготрајна вредност, а воедно оставаат простор ентериерот да се развива со текот на времето. [1] [2] Тоа ја менува и улогата на технологијата во дневната соба. Телевизорот повеќе не треба да стои одвоено од ентериерот – тој треба да се надоврзе на мебелот, да го одразува личниот стил на сопственикот и да изгледа како природен дел од просторот, дури и кога не се користи.
Samsung The Frame е создаден токму со таа идеја. Неговиот тенок профил, инспириран од рамка за слика, му овозможува природно да се вклопи покрај мебелот и декорацијата, а заменливите рамки може да се изберат така што ќе се усогласат со различни материјали, завршни обработки и палети на бои. За уште почист изглед, The Frame Pro нуди целосно безжичен пренос преку Wireless One Connect Box, што овозможува поврзаните уреди да бидат поставени на растојание до 10 метри[3], а просторот да остане ослободен од непотребни кабли.Кога телевизорот не се користи, Art Mode го заменува традиционалниот црн екран со избрано уметничко дело или лична фотографија, така што екранот останува дел од амбиентот. Преку Samsung Art Store, корисниците добиваат пристап до повеќе од 5.000[4] иконски дела од легендарни уметници, како и до колекции од светски познати музеи и галерии, внесувајќи постојано растечка уметничка колекција во сопствениот дом.
Токму таа флексибилност го прави The Frame природен избор за различни простории во домот – како впечатливо парче во дневната соба со смели пејзажи, освежувачки акцент во кујната, смирувачки елемент во работната соба или лично и топло присуство во детската соба со семејни фотографии. Во секој простор, вистинската слика ја создава атмосферата, а The Frame го задржува изгледот елегантен и внимателно осмислен.
Од опуштени домови инспирирани од селската естетика до смели и експресивни ентериери, еве четири начини на кои The Frame може да се вклопи во различни стилови на уредување.
Традиционалистот инспириран од селската куќа
Ентериер инспириран од селска куќа се гради врз удобност, карактер и безвременска елеганција. Природното дрво, тапацираниот мебел, слоевитите текстури и класичните детали создаваат простории што се топли и гостопримливи.
The Frame природно се вклопува во вакво опкружување благодарение на својот тенок дизајн инспириран од рамка и заменливите рамки што му овозможуваат да се надоврзе на мебелот, наместо да се натпреварува со него. Кога не се користи, Art Mode му дава изглед на урамнето уметничко дело, помагајќи му лесно да се стопи со просторот.
Цветните и градинарските мотиви особено добро одговараат на безвременските ентериери, внесувајќи мекост, боја и чувство на поврзаност со природата. Дела како Water Lilies, Сончогледи (Sunflowers) и Градината на уметникот во Живерни (The Artist’s Garden at Giverny) можат да бидат елегантен завршен акцент што ја надополнува топлата и слоевита атмосфера.
Истражувачот на природниот начин на живеење
Природниот стил на живеење е насочен кон мир и рамнотежа, со даб, лен, камен и органски текстури што создаваат ентериери инспирирани од природата.
Дизајниран да се вклопи токму во вакви простори, The Frame им дозволува на материјалите и мебелот да останат во прв план, додека самиот додава суптилен дизајнерски слој. Неговиот минималистички профил особено добро функционира покрај мебел со изразена текстура и смирени, неутрални тонови.
Пејзажите и уметничките дела инспирирани од природата се природен избор за овој стил, со шуми, планини и отворени пространства што внесуваат чувство на спокој и бегство од секојдневието.
Промислениот минималист
Минималистичките ентериери се темелат на рамнотежа, а не на празнина, со чисти линии, внимателно избран мебел и дизајнерски парчиња што имаат јасна функција.
The Frame совршено се вклопува во ваков пристап бидејќи го заменува визуелниот прекин што го создава црниот екран со уметничко дело кога телевизорот не се користи, помагајќи просторот да остане мирен и визуелно усогласен. Тој природно припаѓа во ентериер каде секој предмет има своја цел.
Крајбрежните и водните мотиви се особено соодветни за минималистички домови, со смирени морски пејзажи и иконски дела како Големиот бран кај Канагава (The Great Wave off Kanagawa) што внесуваат чувство на просторност и спокој.
Современиот колекционер
За современиот колекционер, домот се создава постепено. Винтиџ парчиња, модерен мебел и предмети со лично значење се спојуваат во ентериери исполнети со карактер и индивидуалност.
Наместо да изгледа како технолошки уред, The Frame станува уште еден дизајнерски елемент во просторот, без разлика дали е поставен како дел од галериски ѕид или над впечатлив комоден елемент. Благодарение на заменливите рамки и променливата уметничка содржина, тој се развива заедно со ентериерот.
Овој експресивен стил може дополнително да се нагласи со културни икони и познати ремек-дела, од Ѕвездената ноќ (The Starry Night) до Бакнежот (The Kiss), овозможувајќи им на сопствениците да создадат поставка што го одразува нивниот личен вкус и карактер.
Телевизор дизајниран да припаѓа
Одличниот ентериерен дизајн ретко се сведува на тоа сите предмети да бидат идентични. Тој се заснова на чувството на поврзаност меѓу нив.
The Frame ја применува оваа филозофија на една од најголемите визуелни површини во дневната соба. Неговата тенка форма инспирирана од рамка, заменливите рамки и Art Mode му овозможуваат да се надоврзе на мебелот и декорацијата, наместо остатокот од просторот да се прилагодува на телевизорот.
Без разлика дали е поставен во топол ентериер инспириран од селска куќа, природно засолниште, смирен минималистички простор или еклектична колекција од внимателно избрани предмети, The Frame е создаден да се чувствува како дома. Уметноста го додава последниот слој, но токму односот меѓу телевизорот, мебелот и целиот ентериер му дава на просторот впечаток на внимателно уреден дом. Заокружувајќи го целото искуство, Samsung Glare Free технологијата[5] ги намалува одблесоците, овозможувајќи и уметничките дела и забавната содржина да се доживуваат со исклучителна јасност во различни услови на осветлување.
За повеќе информации, посетете ја локалната веб-страница на Samsung и истражете го Samsung Art Store за уметнички дела и идеи што најдобро одговараат на вашиот простор.
