Извршната директорка на Xbox, Аша Шарма потврди дека Project Helix нема да означува само една конзола, туку цело семејство уреди
Microsoft откри нови детали за Project Helix, кодното име за следната генерација на Xbox. Иако досега се зборуваше за нова конзола, се чини дека Microsoft под ова име всушност подготвува цело семејство уреди.
Ова го потврди извршната директорка на Xbox, Аша Шарма во разговор за BBC News. На прашањето дали Project Helix ќе биде конзола без оптички диск, таа не даде конкретен одговор, но откри дека Microsoft работи на повеќе уреди.
„Напорно работиме на одличната следна генерација и одличното семејство Helix уреди, а наскоро ќе откриеме повеќе“, изјави Sharma.
Засега не е познато какви сè уреди ќе опфаќа Project Helix. Можно е Microsoft да подготвува повеќе верзии на конзолата со различни перформанси и цени, слично како актуелните Xbox Series X и Series S, но компанијата сè уште официјално ги нема потврдено таквите планови.
Дека Project Helix нема нужно да биде ограничен на само еден уред, на крајот потврдува и повеќегодишното партнерство на Microsoft со AMD. Двете компании уште минатата година најавија соработка на портфолио уреди, меѓу кои се наоѓа и Xbox од следната генерација.
Кога новата генерација на Xbox ќе пристигне на пазарот сè уште не е официјално потврдено. Microsoft планира првите алфа-верзии на хардверот да им ги испорача на програмерите во текот на 2027 година, па за комерцијалното лансирање ќе треба да почекаме уште некое време.
