Galaxy Watch 9 и Galaxy Watch Ultra 2 би можеле да добијат офлајн Gemini за тајмери, тренинг, музика, Wi-Fi и други основни команди без интернет конекција
Google со системот Wear OS 7 овозможи една многу практична Gemini функција која подразбира извршување на основни команди без интернет конекција.
Pixel Watch 5 моментално е првиот уред со оваа можност, но Galaxy Watch 9 и Galaxy Watch Ultra 2 ја користат истата основа Wear OS 7 и новиот Snapdragon Wear Elite процесор, па се очекува Google поддршката да ја прошири и на моделите на Samsung.
AI асистентот е покорисен кога не зависи од cloud
Офлајн Gemini не активира голем јазичен модел директно на часовникот и не одговара на сложени прашања.
Фокусот е на едноставни локални команди: поставување тајмер, вклучување на батериската ламба или Wi-Fi, започнување тренинг, активирање на режимот Water Lock и контрола на музиката.
Токму тоа е сценариото во кое работата без интернет конекција има најмногу смисла. Часовникот може да остане функционален кога корисникот трча без телефон, ќе го загуби сигналот или едноставно нема активна мрежна конекција.
Samsung сè уште официјално не го потврдил датумот на достапност на новата функција, па засега треба да се третира како очекувана, но не и веднаш достапна можност
