Motorola започна со официјалната најава на новиот телефон Signature 27, кој ќе пристигне во класична, условно кажано обична, но и во луксузна верзија со Swarovski кристали
Компанијата Motorola ја започна официјалната маркетинг-кампања за својот најнов паметен телефон Signature 27. Овој модел доаѓа како директен наследник на моделот претставен на почетокот од годината.
Signature е еден од најинтересните уреди на пазарот. Освен со одличниот дизајн, внимание привлекува и со своите одлични функции. Не се најмоќни, но се прецизно одбрани за она што е потребно.
Први детали за Signature 27 и ексклузивното кристално издание
Корисниците кои ја посетуваат официјалната веб-страница на компанијата од територијата на Европската Унија и Велика Британија можат да видат pop-up прозорец со првиот визуелен приказ на претстојниот уред.
Покрај опцијата за пријавување на листата на заинтересирани купувачи за добивање дополнителни информации, на веб-страницата е забележано и логото на компанијата Swarovski. Телефонот е прикажан во црна боја, барем така изгледа, со големиот натпис Signature 27.
Деталот со Swarovski укажува дека Signature 27, исто како и неговиот претходник, ќе добие и своја посебна луксузна верзија украсена со Swarovski кристали.
Иако техничките спецификации на Signature 27 сè уште не се официјално објавени, почетокот на оваа кампања навестува дека официјалната премиера на новиот модел е многу блиску.
Едвај чекаме да видиме што подготвила Motorola со својот наследник!
