Apple Watch Series 12 има нешто пошироко куќиште од претходникот, но површината на екранот е намалена за околу два отсто, што значи дека истовремено се зголемиле и рамките околу екранот
Apple Watch Series 12 донесе една малку необична промена во однос на претходните две генерации. Иако неговото куќиште е нешто поголемо, површината на екранот всушност е помала отколку кај моделите Series 10 и Series 11, покажуваат официјалните технички спецификации на Apple.
Имено, кај 46-милиметарскиот модел на Series 12, површината на екранот изнесува 1.196 mm², што е околу два отсто помалку од 1.220 mm², колку што имаат Series 10 и Series 11. Слична е ситуацијата и кај помалиот, 42-милиметарски модел, чија површина на екранот е намалена од 989 на 970 mm², односно за околу 1,9 отсто.
Интересно е што резолуцијата притоа не е променета. Сите три модели имаат 416 × 496 пиксели кај 46-милиметарската верзија и 374 × 446 пиксели кај 42-милиметарската. Во исто време, куќиштето станало нешто пошироко. Поголемиот Series 12 има димензии 46 × 40 × 9,7 mm, додека Series 10 и Series 11 имаа димензии 46 × 39 × 9,7 mm. Кај помалиот модел, ширината е зголемена од 36 на 37 mm, додека висината од 42 mm и дебелината од 9,7 mm останале непроменети.
Ваквата комбинација од помал екран и поголемо куќиште во пракса значи и нешто пошироки рамки околу екранот. Apple притоа благо го изменил изгледот на предната страна на часовникот, па стаклото визуелно се протега повеќе кон рабовите на куќиштето, поради што самите рамки може да изгледаат уште поизразено.
Да потсетиме, слична ситуација веќе се случи при преминот од Series 9 на Series 10. Иако тогаш видливиот алуминиумски раб стана значително потенок, вкупната рамка околу екранот, вклучувајќи го и црниот дел од стаклото, всушност се зголеми.
Новиот Apple Watch Series 12 ќе се најде во продажба на 18 септември, а цената во Европа започнува од 450 евра.
