Apple наводно ќе произведе само 6 милиони примероци од iPhone Duo во 2026 година, поради ограничувања во производството на сложената шарка.
По неговата претходна анализа за преднарачките на iPhone 18 Pro и iPhone 18 Pro Max, аналитичарот Џеф Пу излезе со нова прогноза, овојпат за iPhone Duo. Тој смета дека достапноста на овој уред до крајот на годината ќе биде поограничена од претходните проценки.
Пу сега очекува во 2026 година да бидат произведени само 6 милиони примероци од iPhone Duo, што е помалку од неговата претходна проценка од 7 милиони. Причината не е недостигот од очекувана побарувачка, туку ограничувањата поврзани со производството на шарката на телефонот. Веќе неколкупати се појавија информации дека станува збор за исклучително сложена компонента за производство, што би можело да го забави производствениот процес, а оваа проценка во суштина претставува уште една потврда на тие наводи.
За споредба, Пу проценува дека Apple до крајот на годината ќе продаде вкупно 72 милиони примероци од iPhone 18 Pro и iPhone 18 Pro Max. Имајќи го тоа предвид, доколку навистина сакате да набавите iPhone Duo годинава, веројатно би било добро да направите преднарачка веднаш штом Apple ќе ги отвори преднарачките, на 16 октомври.
