Подетален поглед на технологиите на екранот кај најновите HONOR уреди кои придонесуваат за визуелен комфор
Од пораки и деловни повици, до читање и гледање содржини, повеќето луѓе секојдневно поминуваат со часови пред екраните. Поради тоа, визуелниот комфор денес е многу поважен од порано. Осветленоста, острината и приказот на боите и понатаму се важни, но корисниците сè повеќе обрнуваат внимание на тоа колку им е пријатно да гледаат во екранот подолг период.
Овој пристап јасно се забележува кај најновите HONOR уреди. Кај моделите како HONOR Magic V6, HONOR Magic8 Lite и HONOR Pad 20, компанијата сè поголем акцент става на функциите на екранот кои помагаат во намалувањето на заморот на очите при секојдневното користење, истовремено задржувајќи го квалитетното визуелно искуство.
Зошто визуелниот комфор е сè поважен
Луѓето ги користат екраните во најразлични услови – под силна сончева светлина, во затворен простор доцна навечер, накратко за проверка на известувања или со часови за читање и гледање содржини. Екранот мора да се приспособи на сите овие ситуации, па затоа визуелниот комфор денес има сè позначајна улога во дизајнот на уредите.
Функциите како PWM затемнување со висока фреквенција, технологиите за намалување на сината светлина, приспособувањето на тонот на екранот и динамичкото затемнување придонесуваат за попријатно гледање во екранот, особено при подолготрајно користење.
Преклопен телефон приспособен на различни ситуации
Кај моделот HONOR Magic V6, и надворешниот и внатрешниот екран се опремени со технологии кои овозможуваат попријатно искуство за очите. Уредот поддржува PWM затемнување со фреквенција од 4320 Hz и го нуди пакетот HONOR Eye Comfort Display технологии, вклучувајќи AI Defocus Display, Dynamic Dimming, Circadian Night Display, Natural Tone и хардверска поддршка за намалување на сината светлина.
Оваа комбинација одговара на начинот на кој преклопните телефони се користат во секојдневниот живот. Надворешниот екран често се користи за брза проверка на известувањата во текот на денот, додека внатрешниот екран е посоодветен за читање, мултитаскинг или подолготрајно гледање содржини.
HONOR Magic V6 има и двоен антирефлексен слој со ниска рефлексија, кој помага во намалувањето на отсјајот и ја подобрува читливоста во услови на силно осветлување.
Екран на паметен телефон создаден за секојдневно користење
Истиот пристап е применет и кај моделот HONOR Magic8 Lite. Неговиот 6,79-инчен Eye-comfort OLED екран поддржува PWM Risk-Free затемнување со фреквенција од 3840 Hz, Dynamic Dimming, Circadian Night Display, AI Defocus Display и хардверска технологија за намалување на сината светлина.
Овие функции доаѓаат до израз во секојдневното користење – при читање во вечерните часови, користење на телефонот при слабо осветлување или гледање видео-содржини во движење.
Истовремено, екранот го задржува квалитетот на приказот што корисниците го очекуваат од современ паметен телефон, вклучувајќи 1.5K резолуција, стапка на освежување од 120 Hz и максимална осветленост до 6000 нити.
Поголем екран за подолги сесии
Визуелниот комфор станува уште поважен кај таблетите, бидејќи корисниците почесто поминуваат подолго време со нив за читање, учење, работа или гледање содржини.
Токму таков е случајот со HONOR Pad 20. Уредот има 12,1-инчен 3K HONOR Eye Comfort екран, со динамичка стапка на освежување до 120 Hz и AI Dynamic Display технологија.
Кога таблетот се користи подолг период – без разлика дали за онлајн настава, прегледување документи или слободно време – токму овие карактеристики на екранот директно влијаат врз целокупното корисничко искуство.
Истиот пристап кај различни уреди
Кај најновите HONOR паметни телефони, преклопни телефони и таблети, пораката е иста: развојот на екраните повеќе не е насочен само кон поголема осветленост и поостар приказ, туку и удобноста при гледањето во екранот станува подеднакво важна.
До оваа промена доаѓа од едноставна причина – луѓето поминуваат сè повеќе време пред екраните и ги користат во различни ситуации. Затоа уредите мора да одговорат на овие потреби.
Преку својата најнова понуда на уреди, HONOR сè поголемо значење им дава на екраните кои придонесуваат за попријатно секојдневно искуство, со функции кои се корисни, релевантни и чии ефекти се забележуваат со текот на времето.
