Honor наводно подготвува смартфон со 6,57-инчен преден и 1,72-инчен заден екран, како и 200 MP главна камера.
Xiaomi минатата година ја популаризираше идејата за екран на задната страна на уредот со моделите 17 Pro и 17 Pro Max, а компанијата сега се подготвува за лансирање на нивните наследници кон крајот на овој месец. Во меѓувреме, Honor очигледно е инспириран од Xiaomi и работи на најмалку еден уред кој ќе има сопствен екран на задната страна.
Тоа ќе биде дел од серијата Honor 700, тврди нова гласина што ја објави Digital Chat Station на кинеската социјална мрежа Weibo. Телефонот за кој станува збор, најверојатно Honor 700 Pro, ќе има рамен преден екран со дијагонала од 6,57 инчи, резолуција од 1,5K и симетрични, исклучително тенки рамки. На задната страна ќе има главна камера од 200 MP, како и екран со дијагонала од 1,72 инчи.
Сè уште не е познато каде точно ќе биде поставен задниот екран, односно дали ќе се наоѓа над модулот со камерите, како кај споменатите модели на Xiaomi, или под него.
