Врвна комбинација на ултратенок дизајн и AI продуктивност на ниво на компјутер, наменета за технолошките ентузијасти
HONOR, глобален иноватор на пазарот на паметни уреди, го претстави HONOR MagicPad 4, премиум уред со дебелина од само 4,8 mm, кој го редефинира мобилното компјутерско работење. Како прв таблет во индустријата што го користи 3nm Snapdragon 8 Gen 5 процесорот, HONOR MagicPad 4 ги обединува врвните перформанси со импресивен OLED екран со стапка на освежување од 165 Hz и пакет AI алатки, овозможувајќи продуктивност на ниво на компјутер. Дизајниран да ги надмине ограничувањата на различните екосистеми, MagicPad 4 нуди беспрекорно поврзување меѓу уреди од различни брендови, вклучувајќи ги iPhone, iPad и Mac.
Ултратенок дизајн и врвна преносливост
HONOR MagicPad 4 е тенок само 4,8 mm. Со тежина од приближно 450 g, тој е и исклучително лесен, што е постигнато благодарение на револуционерната конструкција „Crescent Structure“ и специјалното влакно од воздухопловна класа, кое ја зголемува крутоста за 30%, истовремено намалувајќи ја тежината за 32%.
За целосно мобилно работно опкружување, таблетот, тастатурата и пенкалото заедно тежат приближно 852 g.
Импресивен OLED екран со освежување од 165 Hz и напредна заштита на очите
HONOR MagicPad 4 има 12,3-инчен OLED екран, а се одликува со сооднос на екранот и предната површина од 93% и исклучително тенки рамки од само 4 mm.
Екранот поддржува стапка на освежување од 165 Hz, водечка во индустријата, резолуција од 3000 × 1920 пиксели и максимална HDR осветленост од 2.400 нити, обезбедувајќи исклучително мазно прикажување на движењата и добра видливост на отворено.
Екранот поддржува прикажување 1,07 милијарди бои и поседува TÜV Rheinland сертификати за ниска емисија на сина светлина и работа без треперење, со цел користењето во подолг временски период да биде попријатно.
HONOR MagicPad 4 носи седум технологии за заштита на очите, вклучувајќи PWM затемнување на 5280 Hz, ексклузивна Chip-Level AI Defocus Display технологија и првата DOT Eye Comfort технологија во индустријата.
Врвни перформанси со 3nm архитектура
HONOR MagicPad 4 е првиот таблет во светот со 3nm Snapdragon 8 Gen 5 процесор, кој овозможува исклучителна брзина и перформанси од следната генерација.
Опремен со осум звучници и HONOR Spatial Audio технологија, овој таблет нуди импресивен звук за уште подобро мултимедијално искуство и јасна комуникација.
За поддршка на ваквите перформанси, тука е батеријата со капацитет од 10.100 mAh, со поддршка за брзо полнење HONOR SuperCharge од 66 W, која овозможува целодневна работа и брзо дополнување на енергијата.
За одржување на високите перформанси се грижи системот за ладење HONOR Ice Cooling System, кој користи 13-слојна 3D термална архитектура со огромна површина за одведување на топлината од 81.717 mm².
Продуктивност на ниво на компјутер и беспрекорно поврзување
MagicPad 4 станува вистински центар за продуктивност со активирање на PC режимот. Овој паметен интерфејс овозможува искуство на работа на ниво на компјутер, со напреден систем за управување со датотеки, навигациски ленти и целосна поддршка за глушец.
Корисниците можат да ги користат познатите кратенки на тастатурата, како Ctrl+C и Alt+Tab, како и сложени гестови за повеќекратен избор, за да управуваат со напредниот систем за работа со повеќе прозорци.
Овој непречен премин од интерфејсот на таблетот кон интерфејсот на десктоп компјутер овозможува ефикасно извршување повеќе задачи истовремено, кое може да им конкурира на традиционалните лаптопи.
Ефикасна работа со AI и беспрекорно поврзување со iPhone, iPad и Mac уредите
Покрај самите перформанси, MagicPad 4 носи напредни AI алатки и поврзување што ги поместува границите на индустријата, со цел да ги олесни современите работни процеси.
HONOR AI Memo служи како паметен асистент кој автоматски креира записници од состаноци и ги препознава говорниците, со дополнителни функции како AI Meeting Agent, Smart Reminder, AI Summary и AI Voiceprint Noise Cancellation.
Покрај тоа, HONOR Connect овозможува беспрекорно поврзување меѓу уреди од различни брендови, па таблетот може да служи како дополнителен екран за Mac компјутерите, со моментално поврзување и споделување содржини меѓу уреди од различни производители, вклучувајќи ги сега и iPhone, iPad и Mac.
