Пред една недела, Apple ја претстави својата нова iPhone 14 генерација смартфони, а четирите уреди допрва треба да стигнат до потрошувачите (Во Македонија официјално ќе бидат достапни на 23 септември). Меѓутоа, во меѓувреме, YouTube каналот PBKreviews, веќе објави видео во кое може да се види внатрешноста на новиот iPhone 14 Pro Max.
Според изгледот, моделот е речиси идентичен на iPhone 13 Pro Max, со исклучок на екранот, но внатрешно има некои значајни разлики. По отстранувањето на дисплејот, видливи се и повеќето компоненти на новиот iPhone.
Распоредот на компонентите е сличен како кај iPhone 13 Pro Max. Содржи батерија во форма на L, како и матична плоча со натпис A16 Bionic. Новата плоча е покриена со метална плоча со графитни елементи за дисипација на топлина.
Батеријата е со капацитет од 4323 mAh, а интересна е новата TrueDepth секција, кој вклучува сензори за Face ID и селфи камера. Овојпат, под дисплејот е поставен сензорот за близина, што овозможува скратување на областа околу камерата, чиј модул е помал (таканаречениот Dynamic Island).
Се забележуваат и поголемиот сензор од 48 мегапиксели на главната камера, модулот за сателитско поврзување и недостатокот на слот за SIM картичка (само во САД).
iPhone 14 Pro и iPhone 14 Pro Max ќе бидат достапни во четири бои: deep purple, silver, gold и space black. Цената на моделот iPhone 14 Pro започнува од 999 долари, додека Pro Max е 1099 долари, со складирање до 1 TB. Нарачката за Pro моделите започнa на 9 септември, а продажбата во САД ќе стартува на 16 септември. Во Македонија преднарачките започнуваат утре (16 септември), а уредите ќе бидат достапни за купување во продажните салони на iSTYLE Македонија (во трговските центри Сити Мол и Ист Гејт) и на веб-страницата на iSTYLE, почнувајќи од 23 септемеври.
Претставени iPhone 14 Pro уредите со Dynamic Island и always-on дисплеј (ВИДЕО)