Почна продажбата на iPhone 14 уредите, во Македонија ќе бидат достапни од 23. септември

Apple минатата недела ја претстави iPhone 14 серијата, која ја сочинуваат четири нови модели – iPhone 14, iPhone 14 Plus, iPhone 14 Pro и iPhone 14 Pro Max. Три од четири од овие смартфони пристигнаа во продавниците во голем број земји ширум светот, додека iPhone 14 Plus ќе почне да се продава на 7 октомври, а дотогаш ќе може да се извршат преднарачки за овој модел.Заедно со новите телефони, во продавниците пристигнаа и два нови паметни часовници на компанијата – Apple Watch Series 8 и Apple Watch SE (2022).

Првиот бран на држави каде што од денеска почнаа да се продаваат новите iPhone 14 модели се следните: Австралија, Канада, Кина, Франција, Германија, Индија, Италија, Јапонија, Сингапур, Шпанија, Тајланд, ОАЕ, Велика Британија, САД, Хрватска, Бугарија и повеќе од 30 други земји и региони, вклучително и Саудиска Арабија за 14 Pro моделите.

Во Македонија и во над 20 други држави, iPhone 14 уредите и Apple Watch Series 8 и Watch SE ќе бидат достапни за купување од следниот петок (23 септември), а од денеска може да се изврши преднарачка на новите модели од веб-страницата на iSTYLE Македонија. На следниот ЛИНК може да се преднарачаат iPhone 14 и iPhone 14 Plus (достапен од 7 октомври), додека преднарачка за iPhone 14 Pro и iPhone 14 Pro Max може да се изврши на овој ЛИНК. Новите Apple Watch Series 8 и Watch SE (2022) часовници може да се преднарачаат на следниот ЛИНК.

Новиот и најиздржлив паметен часовник со поголем екран (49 мм), Apple Watch Ultra и новите AirPods Pro 2 безжични слушалки ќе пристигнат во продавниците ширум светот на 23.09.2022 година, а подоцна и на македонскиот пазар.

Во продолжение ви ги донесуваме цените на уредите од iPhone 14 серијата на клучните пазари.