Honor ја претстави во Кина новата генерација на својата флегшип линија паметни телефони, Honor 80. Серијата содржи има три модели, истоимениот уред, SE и Pro варијанта. Најинтересен меѓу нив е секако Honor 80 Pro.
Моделот се одликува со заоблен OLED екран со дијагонала од 6,78 инчи, резолуција од 2700 x 1224 пиксели, 10-битна боја и брзина на освежување од 120 херци. Се одликува со двојна селфи камера, која се состои од сензор од 50 MP и 2 MP за бока ефекти.
Телефонот користи малку изменета верзија на чипсетот Snapdragon 8+ Gen 1 со помала фреквенција на процесорот. Доаѓа со 8/12 GB RAM и 256/512 GB простор за складирање. Инаку, двата главни модели имаат батерија со капацитет од 4800 mAh и брзо полнење до 66 вати.
Од друга страна, Honor 80 има панел од 6,67 инчи со Full HD+ резолуција и фреквенција на освежување од 120 херци, а селфи камерата е единечна со сензор од 32 MP. Чипсетот Snapdragon 782G објавен на презентацијата се користи овде со истите опции за меморија.
Што се однесува до главните камери, тие вклучуваат сензор од 1/1,56 инчи од 160 MP со отвор на бленда f/1,8 и технологија за фузија на 16 пиксели во едно. Honor 80 Pro има 50MP, а Honor 80 8MP, сензор со ултраширокоаголен објектив. Делот е надополнет со сензор од 2MP за бока ефекти. Компанијата додаде Image Engine за оптимизација на сликата, како и подобрени AI RAW алгоритми.
Телефоните ќе бидат достапни во црна, зелена, сина и розова боја. Нивните цени во Кина се движат од 377 евра до 573 евра.
Доаѓаме и до најприфатливиот од трите модели, односно Honor 80 SE. Има и заоблен екран со OLED панел. Дијагоналата е 6,67 инчи со Full HD+ резолуција и брзина на освежување од 120 херци. Моделот има и селфи камера од 32 MP, а дисплејот поддржува и 10-битна боја.
Чипсетот е Dimensity 900 со 8/12GB RAM и 256GB складирање на податоци. Батеријата има капацитет од 4600 mAh, и брзо полнење до 66 вати. Главната камера е тројна и вклучува сензор од 64 MP, 5 MP со ултраширок агол и 2 MP за макро снимки. Honor 80 SE е достапен во четири опции за бои со цени кои започнуваат од 335 евра.
