Honor официјално го претстави новиот член на семејството Honor 80, кој ја носи ознаката GT.
Honor 80 GT го наоѓа своето место помеѓу Honor 80 Pro и основната верзија, но се чини дека е многу поблиску до Pro моделот во однос на спецификациите бидејќи го покренува процесорот Snapdragon 8+ Gen 1. Во споредба со моделот Pro, Honor 80 GT има помал OLED екран од 6,67 инчи со резолуција од 1.080 x 2.400 пиксели, но сепак има 10-битна длабочина на бои, 100 проценти покриеност на DCI-P3 опсегот на бои, максимална осветленост од 1.400 нита и стапка на освежување од 120 Hz.
Процесорот Snapdragon 8+ Gen 1 е поврзан со 12 или 16 GB RAM и 256 GB простор за складирање.
Камерите се интересни, а главната карактеристика е реткиот 54 MP IMX800 сензор на Sony (1/1,49 инчи, f/1,9), има ултраширока камера од 8 MP (f/2,2) и макро камера од 2 MP. Однаопред е поставена селфи камера од 16 MP (f/2.4).
Уредот се напојува од батерија со капацитет од 4.800 mAh, која го поддржува протоколот за брзо полнење на Honor од 66 W. Го користи оперативниот систем Android 12 со интерфејс Magic UI 7.0. За подобреното ладење се грижи комората за испарување (4.386 mm2).
Смартфонот е достапен во црна, сина и бела боја, а цената изнесува 475 или 520 долари, во зависност од верзијата.