Vivo ја лансираше својата нова флегшип серија паметни телефони X90 во ноември во Кина. Уредите од оваа серија се доста интересни и со сериозен фокус на на мобилната фотографија, а тоа е можно и преку партнерството на компанијата со Zeiss.
За корисниците надвор од Кина, сè уште треба да почекаме, но се чини дека тоа нема да биде многу подолго. Веќе има потврда дека меѓународната објава на новите смартфони ќе се одржи на 3 февруари.
Речиси е сигурно дека уредите ќе бидат достапни во Европа, но останува да се види дали ќе стигнат и во Македонија. Сепак, се чини дека надвор од Кина ќе можеме да го видиме само vivo X90 Pro, но не и моделот Plus.
Накратко, главните спецификации на vivo X90 Pro во Кина. Моделот користи чипсет Dimensity, 6,78-инчен OLED екран од 120 Hz (2800 x 1260) и батерија од 4870 mAh со брзо полнење до 120 вати и безжично до 50 вати. Главната камера вклучува сензор Sony IMX989 од 50 MP, 50 MP сензор со телефото оптика и 12 MP сензор со ултраширокоаголен објектив.