Во Барселона, на MWC 2023 саемот, технолошкиот бренд Honor ги претстави своите нови флегшип уреди наменети за глобалниот пазар, Honor Magic5 серијата и преклопниот смартфон Honor Magic Vs.
Глобалниот технолошки бренд HONOR денеска го претстави својот нов пристап кон технологијата насочен кон луѓето „Tech to Inspire“ на Светскиот конгрес за мобилни телефони 2023 во Барселона. За време на настанот, компанијата Honor ја оживеа својата стратегија со двоен предводник на глобалниот пазар, објавувајќи ја глобалната достапност на серијата Honor Magic5 и телефонот на преклоп Honor Magic Vs – најновите верзии на успешната постава на Honor Magic сериите, подготвени на корисниците ширум светот да им обезбедат вистинско премиум искуство на паметни телефони.
Honor во Барселона го претстави и најновото дополнување на семејството на Hонор Magic серијата – Honor Magic5 Lite. DXOMARK, водечката светска лабораторија за проценка на квалитетот, неодамна na Honor Magic5 Lite му го додела првото место во светот за перформансите на батериите, со што ја потврди позицијата на Honor Magic серијата како лидер во квалитетот, перформансите и иновациите во индустријата за паметни телефони.
HONOR Magic5 Lite
Honor Magic5 Lite се одликува со заоблен OLED екран од 6,67 инчи со стапка на освежување до 120 Hz и резолуција од 2400×1080 пиксели, а прикажува до 1,07 милијарди бои за репродукција на слики со неверојатно ниво на детали и живост. Honor Magic5 Lite го наследува дизајнот на легендарниот флегшип на серијата Magic со моќен систем со тројна камера – кој се состои од ултрајасна главна камера од 64 MP, широкоаголна камера од 5 MP и макро камера од 2 MP – овозможувајќи им на корисниците да го снимаат својот секојдневен живот во фотографии и видеа што може со притискање на копче да се споделат со пријателите и семејството.
Уредот е лесен и тенок, но сепак има ултра голема батерија од 5100 mAh која поддржува до 29 часа стриминг YouTube Music, 24 часа стриминг на YouTube, 19 часа прелистување на TikTok, до 21 час истражување на социјалните медиуми или 11 часови играње со едно полнење. Сето горенаведено е совршено за корисниците кои сакаат да останат активни во текот на денот без да се грижат дека ќе им снема батерија. Перформансите на батериите на Honor Magic5 Lite постигнаа оценка од 152 на DXOMARK тестот и се рангираа на првото место на глобалното DXOMARK рангирање на батериите за паметни телефони
Новиот флегшип HONOR Magic5 Pro
Овозможен од најновата мобилна платформа Snapdragon 8 Gen 2 и со најновиот MagicOS 7.1 интерфејс базиран на Android 13, разновидниот новолансиран предводник Honor Magic5 Pro обезбедува незаменливи врвни перформанси, овозможувајќи зголемена продуктивност и забава во секое време. HONOR Magic5 Pro гарантира извонредно искуство на гледање, без разлика дали корисниците сурфаат на веб, играат игри или читаат, поради што е ставен на врвот на DXOMARK рангирањето на екрани кај паметните телефони со најдобра оценка од 151.
HONOR Magic5 Pro го зазеде првото место на глобалното DXOMARK рангирање за квалитетот на камери, со вкупна оценка од 152, што го прави паметен телефон со највисок резултат на камерата тестиран досега. Најновиот флегшип телефон на Honor нуди моќна комбинација на тројна главна камера која се состои од широкоаголна камера од 50 MP, камера со ултраширок агол од 50 MP и телефото камера од 50 MP. Неговиот компјутерски оптички алгоритам драстично ја подобрува јасноста на сликата при зумирање од 3,5x-100x, издвојувајќи го уредот од другите паметни телефони на пазарот.
Преклопниот смартфон HONOR Magic Vs
Како прв преклопен флегшип на Honor што ќе дебитира надвор од Кина, Honor Magic Vs може да се пофали со исклучителен дизајн, дисплеј и перформанси што го издигнуваат искуството на еден преклопен смартфон на повисоко ниво, истакна Honor. Совршен придружник за претприемачи и џет-сетери, како и за оние кои ја ставаат мобилната забава на прво место, овој уред нуди врвен спој на стил и содржина.
Покренуван од мобилната платформа Qualcomm Snapdragon 8+ Gen 1 и MagicOS 7.1 базиран на Android 13, Honor Magic Vs обезбедува подобрени перформанси со поголема енергетска ефикасност за побрзо и подобро корисничко искуство. Станува збор за екстремно тенок и лесен флексибилен телефон со батерија од 5000 mAh, што е најголем капацитет на батерија меѓу паметните телефони на преклопување достапни денес. Благодарение на софистицираната структура на шарките, Honor Magic Vs цврсто се преклопува без празнини и кога се отвора има речиси целосно рамен екран.