Годинашната конференција Google I/O 2023 е официјално закажана за 10 мај, потврди првиот човек на компанијата Alphabet, Сундар Пичаи на својот Twitter профил.
Како и досега, конференцијата ќе биде лоцирана во амфитеатарот Shorelin, преку улицата од главната зграда на Google, во Маунтин Вју, Калифорнија. За разлика од последните три изданија, Google I/O 2023 би требало да биде конференција со публика во живо на локацијата, а за оние кои не добија покана, Google обезбеди и пренос во живо.
Што очекуваме од Google I/O 2023?
За почеток, Google најверојатно ќе објави малку повеќе детали за Android 14 платформата, која веќе некое време е во бета верзија и чија Developers Preview верзија е достапна веќе некое време. Од друга страна, време е Google да го прикаже својот Pixel Fold телефон и Pixel таблет, за кои се зборува веќе подолго време. Покрај овие два, очекуваме и одредени подобрувања на полето на оперативниот систем Android и уредите со флексибилни екрани.
Excited that this year's #GoogleIO will be on May 10, live from Shoreline Amphitheatre in Mountain View and online at https://t.co/sWxfPsVvJi pic.twitter.com/QtNXE6wjl5
— Sundar Pichai (@sundarpichai) March 7, 2023
Постои шанса Google да ја најави и новата генерација на Pixel Buds Pro слушалки кои беа претставени минатата година на Google I/O конференцијата.
Една од работите што предизвикува сериозна главоболка на Google е мега популарниот јазичен модел ChatGPT, кој од неодамна е интегриран во Bing пребарувањето, кое секој ден станува се попопуларно. Од друга страна, Google работи на сопствено конкурентно решение наречено Bard, чија официјална презентација би можеле да ја видиме на годинашната Google I/O 2023 конференција.
