Според информациите што ги објави дојавувачот Ice Universe, новата верзија на фирмверот треба дополнително да ги подобри фотографиите при слаба осветленост направени со Galaxy S23 Ultra.
Минатиот месец Samsung објави ажурирање за Galaxy S23 серијата телефони што го подобрува фотографското искуство и перформансите на камерата. Но, се чини дека наскоро доаѓа уште една значајна надградба, но овој пат само за флегшип моделот на целата серија, Galaxy S23 Ultra.
Како што напомена реномираниот дојавувач Ice Universe, станува збор за нова верзија на фирмверот која дополнително треба да го подобри фотографирањето при слаби услови на осветлување.
„Ја видов тест верзијата на WD3 верзијата на фирмверот за S23 Ultra и се чини дека ноќните снимки се подобрени“, напиша Ice Universe на Twitter.
I saw the sample of the WD3 version of S23 Ultra firmware being tested, and it seems that the photos at night have also improved.
— Ice universe (@UniverseIce) April 30, 2023
Засега не е познато кога сите корисници на S23 Ultra ќе го добијат ова ажурирање, но се шпекулира дека би можело да пристигне овој месец со веќе најавените подобрувања на HDR фотографијата и некои безбедносни закрпи.
Потсетуваме дека Galaxy Enhance X апликацијата за уредување фотографии со помош на вештачка интелигенција од неодамна е достапна на целата Galaxy S23 серија. Што точно нуди оваа апликација можете да прочитате во нашиот текст на следниот линк.
Samsung апликацијата за уредување фотографии со АI достапна на Galaxy S23 серијата