На 26 јули, Samsung ќе претстави голем број нови производи, а меѓу нив ќе бидат и новите паметни преклопни телефони на компанијата, Galaxy Z Flip5 и Z Fold5. Додека ги чекаме официјалните информации, од францускиот сајт Dealabs ги добивме не само деталните карактеристики на двата модела, туку и нивните цени во Франција. Без изненадување, двата уреда ќе ги покренува Snapdragon 8 Gen 2 за Galaxy чипсет и ќе се карактеризираат со брзо полнење од 25W и безжично од 15W.
Според податоците, Galaxy Z Flip5 ќе има 6,7-инчен главен динамичен AMOLED 2X дисплеј со резолуција од 2640×1080 и стапка на освежување на 120Hz, а однадвор ќе има 3,4-инчен екран. Во главниот дисплеј ќе биде поставена камера од 10 MP, а одзади ќе понуди два сензори од 12 MP. Уредот ќе има батерија од 3700mAh, а според информациите од Франција, ќе биде достапен во ќетири бои – црна, беж, виолетова и зелена боја по цена од 1199 евра за верзијата со 256 GB простор за складирање и 1339 евра за моделот со 512 GB.
Што се однесува до Galaxy Z Fold5, тој ќе има 7,6-инчен основен динамичен AMOLED 2X дисплеј со освежување до 120Hz и резолуција од 2176 x 1812 пиксели, со 6,2-инчен (2316 x 904) преден екран. Во главниот дисплеј ќе има камера од 4MP, а главната е тројна со главен сензор од 50MP, 12MP со ултраширока леќа и телефото (10MP) со 3x оптички зум. Телефонот ќе има батерија од 4400mAh и ќе биде достапен во црна, беж и сина боја по цени од 1899, 2039 и 2279 евра за верзии со 256 GB, 512 GB и 1T простор за складирање
Како бонус, ги додаваме и официјалните фотографии од двата уреда објавени на веб-страницата Winfuture.
Samsung ја закажа премиерата на новите преклопни смартфони за 26 јули (ВИДЕО)