Се чини дека дури ни Google повеќе не можеше да го чека 4 октомври и премиерата на новите Pixel 8 и Pixel 8 Pro, па добивме две официјални видеа од најавата на новите паметни телефони.
Откако Apple го најави својот настан за 12 септември, Google објави дека премиерата на новата генерација на телефоните Pixel 8 и Pixel 8 Pro ќе се одржи на 4 октомври. Иако има речиси еден месец до тој датум, се чини дека компанијата како едвај чека да ги претстави новите смартфони и паметниот часовник.
Денеска беа објавени две видеа кои не откриваат премногу, туку само ги покажуваат Pixel 8, Pixel 8 Pro и Pixel Watch 2.
За оние на кои ова не им беше доволно, Google објави уште едно видео во кое практично ги открива сите дизајнерски елементи на новите Pixel 8 телефони .
Она што е евидентно е дека Google оваа година не го промени премногу дизајнот на своите телефони, со суптилни промени, задржувајќи го препознатливиот изглед. Еден од новитетите што ги забележавме е инфрацрвениот термометар веднаш под блицот на задната страна, за кој се зборуваше уште на почетокот на годината.
Што се однесува до паметниот часовник Pixel Watch 2, можеби ќе успеете да забележите одредена разлика, бидејќи барем однадвор ние не пронајдовме и новиот модел изгледа идентично како неговиот претходник. Затоа, се надеваме дека Google оваа година се фокусирал на промени одвнатре, бидејќи оние од надвор дефинитивно не беа во фокусот на оваа генерација, пренесува GSM Arena.