Android 14 треба да биде претставен на 4 октомври, односно на денот кога Google ќе одржи голем настан на кој ќе ги претстави новите Pixel 8 и Pixel 8 Pro смартфони
Новата верзија на Android требаше да биде објавенa уште минатиот месец, но тоа не се случи. Сепак, според податоците „случајно“ објавени од канадскиот телекомуникациски оператор Telus, Android 14 би требало да го види светлото на денот, кога Google ќе ги претстави новите Pixel уреди, поточно – утре.
Како што објави Droid Life, телекомуникацискиот оператор Telus на својот форум објави кога се очекуваат ажурирања на софтверот за мобилните телефони што ги продава. За сите Pixel уреди до моделот 4A, стоеше дека ќе го добијат ажурирањето „Android U“ на 4 октомври. Буквата „U“ во името на ажурирањето означува „Upside Down Cake“, што е и кодното име на новата верзија на Android.
Telus оттогаш ја отстрани оваа информација, но таа останува снимена благодарение на социјалните мрежи и разните интернет портали. Како и да е, се ќе се знае веќе утре кога Google ќе го одржи својот голем настан каде покрај Android 14, треба да ги претстави и Pixel 8, Pixel 8 Pro и Pixel Watch 2 часовникот.